GMH/ÍNDICE A-Z

234
1161/11/28. Santiago de Compostela.

Froila Ramírez “Aurícula” e a súa muller, María Páez, véndenlle ó mosteiro de Toxos Outos a súa herdade na vila de Costanela, en S. Tomé de Ames, por dúas marcas e media de prata.

B.- Tombo, f. 81v.
Carta de Costeela in terra de Amaia.

In nomine Patris et Filii et Spiritu Sancti, amen. Ego Froyla Ramiriz cognomento Auricula et uxor mea Maria Pelaiz et omnis uox nostra vobis abbati domno Arie, monasterii Sancti Justi de Tribulis Altis omnique conuentui monachorum eiusdem loci et omni uoci uestre, grato animo et spontanea uoluntate, facimus textum scripture firmitatis et kartula uendicionis de hereditate nostra propria quam habemus in villa uocitata Costanela que fuit Munionis Cresconiz concurrente ad ecclesiam Sancti Thome de Oliames, territorio Amaia; quam predictam hereditatem, scilicet medietatem de illa Costanella integram, nos ganauimus nostro precio et carta ueridica de Gundisaluo Fafilat ut in kartula resonat, et ipse Gundisaluus habuit ea ex parte patris sui Fafile et matris sue Ardilo. Hanc siquidem nostram integram hereditatem que est medietas tocius illius ville de Costanella cum omnibus bonis suis concesis, scilicet casalibus et aliis suis directuris et cetera vobis damus et uendimus pro precio quod a uobis recepimus, id est marchas duas et dimidiam argenti boni quod nobis et uobis bene satis ad libitum fuit, et de precio aput uos nichil remansit in debito ad soluendum; et decetero eamdem hereditatem cum populacione et omnibus bonis suis habete, possidete, uendite, donate et ex ea omne uelle uestrum facite per cuncta secula.

Quod si aliqui de parte nostra uel de extranea contra hoc factum nostrum ad irrumpendum uenerit uel uenerimus quisquis fuerit pariat uel pariamus uobis uel uoci uestre illam hereditatem duplatam uel triplatam et insuper marchas Ve puri argenti; et nostrum factum semper maneat firmum.

Facta uendicionis scriptura IIIIo kalendas decembris, era Ia Ca LXLa VIIIIa.

Nos iamdicti in hac uendicionis scriptura manus nostras.

Q. p. f.: Petrus, ts. Pelagius, ts. Johannes, ts. Damiten, conf. Vilielmus de Luania, conf. Petrus Auricula, conf. Petrus Arias, conf. Petrus Petriz, conf. Froyla Palea, conf. Didacus Pinctus, conf. Pelagius del Pico, conf. Afonsus Nuniz, conf.

Petrus Abbat, notuit et conf.