GMH/ÍNDICE A-Z

86
1098/ 06 / 01
Argileva Danieliz véndelle ó mosteiro de Celanova o seu superato de Compostela.
TC, fol. 35r.1

In Dei nomine. Ego Argileuva Danieliz pariter cum viro meo Pelagio Salvatoriz cum filiis nostris vobis domno et patri atque abbati Cellenove domno Petro, et fratribus monasterii vel voci vestre perpetua salutem in Domino. Proprio consilio et pura mente placuit nobis facere vobis scripturam firmitatis et kartulam venditionis secundum et facimus de superato nostro proprio cum suo sotalo, quod abuimus hic ad aulam sancti Iacobi apostoli, loco certo in illo campo in quintana ubi abitaverunt Sisnandus Ildebreiz, et Sisnandus Argimirizi. Et nos comparavimus de Petro Sarraciniz, filio de Fredenanda et ganavit eam de Ero Ruderiquiz per suam cartam inter casas de Santia Pelaiz, et contra domum de sancto Laurentio intus in illa quintana ad illam portam cum suo tegumento et exitu, et parietibus aquam in circuitu vertentibus, quantum nostra veritas est, et iuri nostro actenus tenuimus et in cartas resonat, ab omni integritate vobis vendimus sub uno obtentu de illa vestra corte quam habeti\s\ de Cipriano Sisnandiz, pro pretio quod de vobis accepimus de arento regalis monete solidos Cm. Et quod nobis bene complacuit et de pretio aput vos nichil remansit solvendum. De odie die abeatis et possideatis et faciatis quod vestra fuerit voluntas, et si vobis de propinquis vel extraneis hanc venditionem in comtentione miserit, tunc pariet vel pariemus vobis abbati domno Petro et fratribus vestris, vel voci vestre illam casam in duplo vel triplo et desuper solidos CCos, et hoc actum semper sit firmum.

Notato die Kalendas Iunii. Era I C XXXVI.

Argileuva Danieliz et vir meus Pelagius cum filiis nostris in hac venditione manus nostras (signum).

Qui ibi sunt: Petro ts. Arias ts. Pelagius ts. Didacus ts. Munninus ts.

Affirmatores: Mauriliz cfr. Petrus Sisnandiz cfr.

Petrus Danieliz cfr. iudex propria manu scripsi (signum).

1 Outra copia do mesmo documento no fol. 48v, documento 123.