GMH/ÍNDICE A-Z

Referencias da busca neste documento para: Os documentos do Tombo de Toxos Outos

533
1187/06/23.

Mariña Gudesteiz e o seu marido, Fiel Fieliz, véndenlle ó mosteiro de Toxos Outos a súa herdade na vila de Béxeres, en S. Martiño de Lesende, por setenta soldos.

B.- Tombo, f. 146v.

Carta de Marina Goestez et de viro suo Fiel Fieliz de VIa ville de Vesares.

In Dei nomine. Propter labentem memorie cursum, et cetera. Vnde ego Marina Gudesteyz et uir meus Fiel Fielzi et omnis uox nostra vobis domno Petro, monasterii Sancti Justi abbati omnique conuentui monachorum eiusdem monasterii omnique uoci uestre grato animo et spontanea uoluntate facimus textum scripture firmitatis et cartam uendicionis imperpetuum ualitura de nostra propria hereditate quam habemus in villa Uesares que habet iacencia in territorio de Pistomarcis concurrente ad ecclesiam Sancti Martini de Elsende subtus monte Luania discurrente fluuio Traua; que hereditas nobis euenit ex parte matris mee Truile Petri, et ipsa habuit eam ex parte matris sue Guntrode Pelaiz, filia de Pelagio Espassandez, qui habuit quartam integram ipsius ville, de qua quarta est porcio predicta Guntrode Pelaiz VIa integra, et de VIa alia germane sue Marine Pelaiz tercia quam illa ganauit; de istis uero porcionibus euenit nobis medietas pro parte matris mee, quam medietatem ego habeo sine aliis meis fratribus pro ad herancia aliarum nostrarum hereditatum. Hanc siquidem nostram hereditatem uobis ab integro uendimus atque concedimus cum omnibus suis directuris et adiunctionibus eidem hereditati pertinentibus intus et extra, et cetera, per suos terminos et diuisiones antiquas quomodo diuiditur per archas illas de Ambas Mestas de villa Aluariza et inde a Enfesto per ipsam aquam de Traua usque ad terminos de Elsendi, et de alia parte per aquam de Bonia usque ad montem Colouo pro precio quod nobis et uobis satis complacuit, uidelicet solidis LXXa fortis monete quos a uobis recepimus et in eis comparauimus pannos ad suscipiendum ordinem in monasterio Saris et pro robore placabili, et ita de precio quam de robore apud uos nichil remansit indebito ad soluendum. Ita ex hodierno die et tempore de iure nostro sit remota uestroque iuri ac dominio sit tradita atque confirmata; abhinc habeatis, possideatis, uendatis, donetis et omne uelle uestrum ex ea facite usque in secula seculorum, amen.

Siquis tamen propinqus aut extraneus contra hoc nostrum uoluntarium factum ad infringendum uenire presumpserit quisquis fuerit sit maledictus et quantum calumpniauerit in duplo uel triplo componat et insuper uobis et regie uoci solidos C XL exsoluat; hanc tamen scriptura semper in suo robore permanente.

Facta carta uendicionis die VIIIIo kalendas iulii sub era Ma CCa XXVa.

Nos supradicti pro nobis et pro omnibus filiis et filiabus nostris hanc scripturam manibus nostris confirmamus.

Q. p. f.: Petrus Diaz, conf. Johannes Pelaiz, conf. Pelagius Diaz, conf. Petrus Batalla, conf. Didacus Gosendi, conf. Ego Munio Petri, prior Saris, conf. Ego Gudesteus Gudestei, conf. Ego Petrus de Calo, conf.

Maria Gudestei propria manu roboro et conf. Ego Martinus Ruderici, conf.

Suerius Pelagii notuit. (Monogramma: SVERIVS).