GMH/ÍNDICE A-Z

Referencias da busca neste documento para: Os documentos do Tombo de Toxos Outos

364
1213/06/09. San Xulián de Luaña.

Mariña Pérez e o seu marido, Pedro Pérez, dóanlle ó mosteiro de Toxos Outos a súa parte na igrexa de S. Xulián de Luaña.

B.- Tombo, f. 111rv.

Carta de Marina Petri de Sancto Juliano de Luania scilicet de parte sua.

In Dei nomine. Ego Marina Petri cum uiro meo Petro Petri et omnis uox nostra grato animo et spontanea uoluntate, et cetera, vobis domno Johanni, monasterii Sancti Justi abbati, et omnibus fratribus tam presentibus quam futuris ibidem Deo seruientibus facio textum et cartulam donationis in perpetuum ualituram de porcione mea integra quam habeo in ecclesia Sancti Juliani de Luania que est sita in territorio Besezo sub monte Luania, quam porcionem de predicta ecclesia habui ego Maria Petri ex parte matris mee Guyne Ordonii. Dono igitur ego Maria Petri et concedo vobis iamdicto abbati et monasterio uestro quantum ego habeo uel habere debeo in predicta ecclesia cum casis et casalibus et cum quanto ad prestitum hominis est intus uel extra per suos terminos et loca antiqua pro remedio anime mee et uiri mei Petri Petri et pro animabus parentum nostrorum, et cetera. Habeatis et possideatis iure hereditario uos et omnis posteritas uestra in secula seculorum. // Siquis autem ex parte mea uel de extranea contra hoc uoluntarium meum factum ad irrumpendum uenerit sit maledictus usque in VIIam generationem et insuper pariat C solidos; hoc testamento in suo robore permanente.

Facta cartula testamenti sub era Ma CCa LIa et quotum V idus junii.

Johannes Tudiniz, conf. Didacus Martini, conf. Alfonsus Pelaiz, conf. Rodericus Petri, conf. Omnes filii ecclesie Sancti Iuliani de Luania in quo presencia fuit roborata et lecta, conf. Et multi alii qui presentes fuerunt.

Dominicus, cantor, qui notuit.