GMH/ÍNDICE A-Z

256
936/ 09 / 12
Froila, irmán de San Rosendo, e a súa muller, doánlle a Rosendo o lugar de Villare, que antes lle entregara a infanta Ximena, para que constrúa alí un mosteiro adicado ao Salvador. O diploma indica que dende este momento o lugar pasa a chamarse Celanova.
TC, fols. 93r. - 93v.

Ed. por DIAZ Y DIAZ, M.C., Ordoño, op. cit., pp. 237-241.

Christus. In nomine Domini Patris et Salvatori filio eius, verum etiam Spiritus Sancto ineffabiliter ex ambobus procedens qui trinum possides unum in divinitate unita, et unus crederis in maiestate excelsa iudicaturus orbem sanguine tuo redemptus. Ego Froyla et uxor mea Sarracina omnium servorum Deum servus, etenim Domine tu es iustus iudex et robore fortis cuius nomem magnum est Israel, et cuius locus pacifice firmatus est in Syon cuius anni et tempora non deficient. Qui permanes in eternum, cui pacis et potestatis ullo modo non erit finis. Qui es pius, misericors, amans, bonum, qui non deseres sperantes in te qui corroboras famulos et dextruis inimicos, qui etiam non spernis sacrifitium spiritu contribulato, quod tibi offerat pusillitas humana in abluendis peccaminum nexibus. Postremo tu idem es Domine qui a peccatoribus te exorari mandasti secundum iugem pietatem tuam. Ad te (nunc) cum puris mentibus precibus lito, ut digneris de sede maiestatis tue aurem pietatis accomodare, et placido vultu votum meum accipere. Oro Domine oro, et indesinenter te postulo ut non despicias exiguum munus quod tibi ex sincera voluntate offert vilitas fragilitatis mee, sed accipe secundum misericordiam tuam de quo tu mihi largire dignatus es. Ego enim Domine, opus sum manuum tuarum et omnia tua sunt, et quod de manu tua accepi ovans tibi offerre cupio, secundum prophete auctoritas me admonet, et psalmista Vovete et reddite Domino et cetera. Queso Domine, ut aperiantur porte tue iugiter et detur locus orationi mee in celo, ut dirigatur votum meum in conspectu tuo sicut sacrifitium mundum

et inmaculatum. Scio utique Deus quia tu nichil indiges cum cuncta serviunt celestia et famulantur terrena, cuius nutu gubernantur disponuntur regunturque omnia, sed excogitavi ex rebus mihi creditis offerre in honore tuo quid sit in subsidium peregrinorum pauperumque tuorum qui creduntur esse sequaces evangelii tui qui in voce tua loquitur dicens,

Si quis vult post me venire abneget semetipsum et sequatur me. Et qui non preposuerunt amori tuo patrem aut matrem aut cetera transitoria, qui his monitis impleverint, ipsos tu predixisti tuos esse discipulos. Ipsis ergo adherre mihi bonum est, et ipsis mihi servire iocundius est, ut et futuro eorum merear glomerari catalago. Ut dum in examinis diem apparueris magnus et manifestus et in sublimi gloria excelsus reddere iustis premia, et malis que merentur mala, tum ego ab ipsis procul sim, et merear admisceri mundus ovibus quibus ab initio a patre tuo complacuit dare regnum. His Domine excogitans servus tuus tantis et tam magnis misteriis absconditis quod preparasti sperantibus et diligentibus te, ut inter eos adsim in perpetua luce quam dignatus es dare electis tuis. Id est offero glorie et honori nominis tui pro remedio animarum genitorum meorum, Guttiherris et Ylduare villam in terminos Gallecie, territorio Bubalo, subtus monte Leporario, ripam rivusculi Sorice quam inquiunt Villare cum alios suos villares, dudum ibi servientes vocati Moraria, Sampiri et Poleiares. Ita modo texto ipsa villa per suos in giro terminos ab antiquo positos cum domos et eorum intrinsecus, vineis et pomiferis, terras cultas et incultas, exitus regressusque, aquis aquarum cum eductibus suis, pratis et paludibus muninitis clausiris propriis. Omnia ab integro dono Domino Salvatorique omnium pro remedio animarum genitorum meorum supradictorum, qualiter illis et mihi magna occurrat mercis in eterno iudicio dum unicuique redditum fuerit secundum propria opera. Et habui ipsam villam de successione sepe dictis genitoribus meis ab integro, secundum illi eam obtinuerunt de concessione regis domni Santii. Et iterum ego per aliam scripturam germane sue domne Scemene que eam inter germanos suos in pars sortis acceperat, sub ea videlicet ratione servata ut sub regimine ac tuitione patris ac germanus mei domni Rudesindi episcopi, construature ibi templum in nomine Domini nostri Salvatoris in cuius nomine / votum istum dedicavi. Ut sub imperio eiusdem pontificis almi hedificent ibi monasterium et congregetur ibi fratrum congregatio Deo militantium sub regulari tramite gradientium, et sic Domine ipse sciterio divinis edoceatur docinis, ut pax ibi redundet in fratrum corda ut effici mereantur vasa mundissima in quibus tu habitare delectes et in habitando sanctifices, sit Domine ibi domus Dei et porta celi, ut qua ora ibi peccator ad te ex toto corde converterit, iubeas eius delere peccaminum nodos. Ita habeant omnia ista supra taxata servi Dei qui mundum relinquerunt et pompis eius, solum sectantes te Dominum largitorem et conlatorem bonorum ominum. Obtestor tamen omnia anima a pusillo usque ad maximum ut ipsa villa a nullo monasterio testetur aut sede, sed sit monasterio inprinpali gradu manente. Licitum sit omnibus ibi Domino offerre quicquid aliquis voluerit. Ipse quidem locus quod usque nunc vocatus fuit Villare, et de hunc vocatur Cella Nova, a nullo homine testetur quocumque monasterio aut cathedrali loco. Si quis tamen, quod fieri minime credo, aliquis homo tam regia potestas, quam aut qualibet generis humano, ut hoc votum meum vel quod inmodice infringere presumpserit, in primis sit segregatus a catholica fide, et a corpore et sanguine Domini nostri Ihesu Christi, segregatur a sanctis puniatur cum impiis in sorte mortis eterna. Multiplicetur pena averni in vertice eius et percutiatur a Domino plaga crudeli, et insuper cum Iuda Domini proditore uno contubernietur in loco pari pena damnandus, et conditoris multatus ira, et altissimi feriatur sententia. Lugeat quod male iessit et impie operavit, et insuper temporali districtus discrimina, pariet auri talentum et insuper duplet quantum de hoc aufferre temptasset. Istam vero scripturam obtineat firmitatem.

Facta scriptura testamenti die II ydus Setembris. Era D CCCC LXX IIII.

Froila in hanc seriem testamenti quod volui manibus propriis roborem indidi (signum). Aduntia in hoc testamentum sobrinis mei. Ilduara in hoc testamentum filii mei cfr (signum). Sarracina in hanc seriem testamenti quod vir meus elegit et ego confirmo (signum).

(1ª columna:) Sub Christi nomine Ovecco episcopus cfr.- Sub Christi nomine Hermegildus episcopus cfr.- Sub Christi nomine Herus episcopus cfr.- Sub Christi nomine Salomon episcopus cfr.

(2ª columna:) Confessores: Franquila abba ts (signum).- Ranualdus abba ts.- Busianus abba ts.- Vistrarius confesus ts.- Lupus confesus ts.- Vidramirus confesus ts.- Adolinus confesus ts.- Leovigildus confesus ts.- Ariaster confesus ts.- Hendulfus confesus ts.- Senta confesus ts.- Sesulfus presbiter confesus ts.- Serioninus confesus ts.- Radesindus presbiter ts.- Veremudus presbiter ts.

(3ª columna:) Guttiher Hosori confesus ts.- Vimara Froilani ts.- Teodericus Lucidi ts.- Aloytus Nunniz (signum).- Munnius Guttiherriz (signum).- Hermegildus Gundisalviz (signum).- Scemenus Didaz.- Pelagius Gundesalviz.- Furtunius Fafilani.- Munnius Sisnandi.- Teodila Gutini.- Didacus Adulfiz.

(4ª columna:) Solarius Lucidi.- Nunnus Hosoriz.- Froila Gundesindi.- Pelagius Teoderici.- Fafila Vimaredi.- Vimara Fideli.1

Hec Scemena confirmans villa quam habui de mater mea (signum).

Aloytus diaconus et nexus scripsi (signum).

Ilduara in hunc testamentum quod filius meis pro Domino mihi voluntate concessi propria manuconfirmavi (signum).

Aloytus Lucidi pro testis (signum).

Ranimirus princeps cfr. Hordonius prolis domni Adefonsi regis cfr.

1 Hai unha signatura paralela a esta columna, que podemos interpretar coma un (signum) colectivo.

Materias

abade; árbore; arquivo; augas; bispo; canles; casas; catedral; confirmación; construción; crego; diácono; doazón; escritura; esposa; esposo; excomuñón; familia; fillo; froiteira; fundación; herdanza; infanta; irmá; irmán; literatura; mercé; montes; monxe; mosteiro; muller; nai; nora; pai; partilla; pasto; pena; pomar; presbítero; regra; rei; río; sinatura; sogra; sogro; valado; viña; xenealoxía; xurisdición

Persoas

Adolino, monxe; Aduntia; Afonso IV, rei de Galicia e León; Alvito Núnez; Alvito, diácono; Ariastre, monxe; Busiano, abade; Diego Adólfez; Dona Xemena, infanta; Eldara Érez, condesa; Endulfo, presbítero e monxe; Ermexildo González; Ermexildo, bispo de Iria; Ero, bispo de Lugo; Fáfila Guimaránez; Fortunio Fafilánez; Fránquila, abade; Froila Gundesíndez; Froila Gutérrez; Guímara Fidélez; Guímara Froilaz; Guistrario, monxe; Guterre Méndez, conde; Guterre Osórez, monxe; Ilduara Eriz, condesa; Leovexildo, monxe; Lopo, monxe; Munio Gutérrez; Munio Sisenández; Nuno Osórez; Ordoño IV, rei de Galicia e León; Oveco, bispo de Tui; Paio González; Paio Teuderíquez; Radesindo, presbítero; Ramiro II, rei de Galicia e León; Ranualdo, abade; Rosendo, bispo de Dumio; Salomón, bispo de Astorga; Sancho Ordóñez, rei de Galicia; Sarracena; Señoriño, monxe; Sueiro Lucídez; Teuderico Lucídez; Teúdila Godínez; Vermudo, presbítero; Vidramiro, monxe; Xemeno Díaz

Outros

Astorga, bispado; Dumio, bispado; Galicia, reino; Iria, bispado; León, reino; Lugo, bispado; San Salvador de Celanova, mosteiro; Santiago de Compostela, arcebispado; Terra de Búbal; Tui, bispado

Lugares

Búbal, territorio; Celanova; Galicia; Israel; Moreira; Poleiraes; Sampil; Sorga, río; Syon