GMH/ÍNDICE A-Z

348
1224/03/23. Santiago de Compostela.

Pedro Eáns Cardón, a súa muller, María Páez, e o seu fillo Xoán Pérez véndenlle ó mosteiro de Toxos Outos as súas herdades en varias vilas na freguesía de Sta.  María de Trasmonte por cento corenta e un soldos leoneses.

B.- Tombo, f. 107rv.

Carta de Petro Cardom de hereditate de Soeuos et de Pedrouzo et Subriba et de Coytoyra et de Regno.

In nomine Domini nostri Ihesu Christi. Notum sit omnibus quod nos Petrus Iohannis Cardum et Maria Pelaiz, uxor mea, et filius noster Johannes Petri et omnis uox nostra grato animo et spontanea uoluntate uendimus et firmiter concedimus vobis Petro Gasco, monacho, comparanti nomine domni Johanni Tudiniz, abbatis Sancti Justi de Togis Altis, et conuentu monachorum eiusdem monasterii, et pro eo pro precio nobis et uobis complacabili, videlicet solidos C XL I legionensis monete, quantam hereditatem et plantatum habemus in Soeuos et in Pedrouzo et in Subribas, in Coytura et in Regno, et quantum habemus tam de auolencia quam de ganancia in tota filigresia ecclesie Sancte Marie de Trasmonte. Ab hinc igitur usque in secula seculorum predictum monasterium integre habeat et pacifice possideat predictam hereditatem cum omnibus suis directuris ad eam intus et extra pertinentibus ubicumque fuerint per suos terminos et diuisiones antiquas. Ita quod omne uelle suum de ea faciat imperpetuum quia nec de // precio neque de robore penes uos remansit aliquid persoluendum. Siquis igitur contra hanc uendicionem nostram ad irrumpendum uenerit quisquis fuerit persoluat predicto monasterio CCa LXXXa IIos solidos fortis monete, carta et uendicione nichilominus in suo robore permanentibus.

Facta carta Xo kalendas aprilis sub era Ma CCa LXa IIa.

Nos iamdicti in hac carta manus nostras.

Q. p. f.: Munio Petri. Fernandus Muniz. Arias Fernandi Peyre. Arias Petri,  alfayatus. Arias Mansus. Petrus Frade. Johannes Petri, carnifex. Martinus Cresconii dictus Calza, frater. Martinus Froyaz. Martinus Iohannis, clericus de Trasmonte.

Ego Martinus Iohanni, notarius concilii compostellani juratus, scripsi.