GMH/ÍNDICE A-Z

525
1220/02/24. Santiago de Compostela.

Dona Urraca Afonso, co seu fillo Paio Míguez, véndelle ó mosteiro de Toxos Outos toda a herdade que o seu pai, o cóengo de Santiago don Afonso, tiña na freguesía de S. Martiño de Lesende por douscentos cincuenta e cinco soldos da moeda de Santiago.

B.- Tombo, ff. 144v-145r.

Carta Vrrace Adefonsi de hereditate Elsendi.

In nomine Domini. Ego domna Vrraca Adefonsi, scilicet filia domni Adefonsi, canonici compostellani, simul cum filio meo Pelagio Michaelis, qui presens est et concedit, et omnis uox nostra vobis domno Johanni Tudinici, monasterii Sancti Justii de Tribulis Altis abbati, omnique uoci monasterii monachorum conuentui et uoci uestre grato animo et bona uoluntate facimus cartam uendicionis de tota nostra hereditate quam habemus de auolencia et de ganancia ex parte supradicti domni Alfonsi, ecclesie Sancti Jacobi canonici, in tota concurrencia Sancti Martini de Elsendi. Hanc igitur supradictam hereditatem nostram totam quantamcumque habemus et habere debemus in predicta concurrencia Sancti Martini de Elsendi tam de auolencia quam de ganancia ex parte et uoce prenominati dom- // -ni Adefonsini canonici uobis ab integro uendimus et libere ac firmiter concedimus cum omnibus suis directuris et bonis eisdem hereditati pertinentibus intus et extra, et cetera, pro precio quod nobis et uobis satis complacuit, id est solidos CCos La Ve fortis monete denariorum Sancti Jacobi cum complacabili robore, et tam de precio quam de robore nichil remansit apud uos in debito ad soluendum. Abhinc igitur habete eam, possidete et omne uelle uestrum de ea usque in secula seculorum facite. Siquis ex parte nostra aut ab extranea contra hoc scriptum ad irrumpendum uenerit quisquis fuerit pectet supradictam hereditatem duplatam et insuper solidos D X; et hoc scriptum sit semper firmum.

Facto scripto huius uendicionis die VIo kalendas marcii, era Ma CCa La VIIIa.

Nos iamdicti in hoc scripto manus nostras roboramus.

Q. p. f.: Domnus Fernandus Curialis, canonicus zamorensis, conf. Petrus Pelaiz Fanion et Bernaldus Eugerii, conf. Domnus Gomez, magister, et Johannes Fernandi, clericus, conf. Petrus de Bayona et Johannes Froyle, gener Pelagii, clerici, conf.

Ego Pelagius Martini, clericus, publicus notarius compostellanus juratus, scripsi in ciuitate Sancti Jacobi.