GMH/ÍNDICE A-Z

372
1244/07/25. San Xulián de Luaña. 1248/01/25. Santiago de Compostela.

O escudeiro Fernando Pérez “Gatus” peñóralle a Pedro Martínez, Diego Fróilaz e Domingos de Mato as tres cuartas partes da metade da vila de Moldes, en S. Xulián de Luaña, por corenta e cinco soldos leoneses, deixando aberta a posibilidade de que sexa el mesmo ou ben o mosteiro de Toxos Outos quen saque a herdade do peñoramento*.

B.- Tombo, f. 113r.

* Observacións: Este documento cópiase tamén como n.º 426.

Notum sit omnibus quod ego Fernandus Petri dictus Gatus, scutarius, pro me et pro omni uoce mea pono in pignore vobis Petro Martini et Didaco Froyle et Dominico de Mato et uocibus uestris in tribus quartis tres quartas de medietate uillaris de Molnes quod est in filigresia Sancti Juliani de Luania, quod uillare diuiditur per aquam de Petris Nigris et miscet se ad aquam de Pignis quomodo descendit ad subpedem et exit ad cimam de Feale Maior; pono inquam pro solidos XLV legionensis quos mihi inprestatis super ipsis tribus quartis, et de ipsis denariis debent adfici annuatim solidos III legionensis pro terratico siue locario annuatim; et quantumcumque ego uel monasterium Sancti Justi, si semen ego non habuero, dedero uel dederit uobis residuos denarios uos illos recipiatis et deliberetis mihi uel ipsi monasterio ipsas tres quartas predictas in pace et ne hoc possit in dubium euenire. Hoc pactum roboratum in manibus domni Petri Moogo, presbiteri Sancti Iuliani de Luania.

Sub era Ma CCa LXXXII in die sancti Jacobi de julio.

Presentibus Petrus Fernandi, diacono ipsius ecclesie Sancti Juliani. Didaco Petri, porcionario compostellano. Petrus Froyle, monacho Sancti Iusti de Togis Altis. Fernandus Didaci de Grania. Johannes Uiuiani de Ardioes. Petrus Pelagii de Ninais. Et multis aliis.

Ego Johannes Pelaiz, publicus notarius compostellanus iuratus, de mandato predicti Petri Moogo, dicentis hoc pactum fuisse roboratum in manibus suis,  scripsi.

VIIIo kalendas februarii, sub era Ma CCa LXXXa VIa.

Presentibus predictis Petro Fernandi et Johanne Uiuiani et Petro Pelagii et presentibus Johanne Didaci, clerico de Lampaon, et Johanne Bispo, clerico, et Johanne Martini, clerico Sancte Eolalie de Ouoyro.