GMH/ÍNDICE A-Z

312
1244/10/22. Santiago de Compostela.

Don Afonso Raimúndez, cabaleiro da Orde de San Xoán, dóalle ó mosteiro de Toxos Outos a súa herdade na igrexa de S. Paio de Lens e nesa freguesía así como na vila de Muíño, en Sta. María de Roo, polo beneficio que lle fixera o cenobio.

B.- Tombo, f. 99r.

Transcr.- SALVADO MARTÍNEZ, B.- “Tumbo de Toxosoutos...”, doc. n.º 45, pp. 216-217.

De Leens.

Carta domni Alfonsi Reymundi de ecclesia Sancti Pelagii de Leens et de hereditate eiusdem filigresie et de hereditate de Moyno in filigresia Sancte Marie de Roo.
In Dei nomine, amen. Notum sit omnibus quod ego donus Alfonsus Reymundi, frater Hospitalis Sancti Johannis, pro me et pro omni uoce mea dono et do et firmiter concedo vobis Petro Petri, monacho monasterii Sancti Iusti de Togis Altis, nomine et in uoce eiusdem monasterii, quantam hereditatem ecclesiasticam et laycalem ego habeo et habere debeo in ecclesia Sancti Pelagii de Leeyns et in tota ipsa feligresia Sancti Pelagii, et quantam hereditatem ego habeo in uilla de Moyno in filigresia Sancte Marie de Roo que est quarta de quanta hereditate ibi habebat Ordonius Pelagii; do inquam pro remedio anime mee et parentum meorum et pro beneficio quod recepi ab ipso monasterio Sancti Justi. Et decetero monasterium ipsum Sancti Iusti faciat de predictis hereditatibus cum omnibus suis directuris totam uoluntatem suam imperpetuum. Siquis igitur contra hanc donacionem et dacionem meam ad irrumpendum uenerit quisquis fuerit pectet predicto monasterio Sancti Justi solidos D fortis monete; carta ista et donacione nichilominus in suo robore permanentibus.

Facta carta XI kalendas nouenbris sub era Ma CCa LXXXa secunda.

Ego iamdictus in hac carta manus meas.

Q. p. f.: Petrus Froyle et Dominicus Iohannis, monachi Sancti Iusti. Johannes

Petri, presbiter de Roo. Petrus Iohannis, clericus Sancte Marie de Ooens. Petrus Martini, clericus chori. Johannes Saluatoris de Seares. Johannes Petri de Lueyro.

Ego Petrus Didaci, notarius concilii compostellani juratus, interfui et scripsi. (Signum: PETRVS).