GMH/ÍNDICE A-Z

Referencias da busca neste documento para: Os documentos do Tombo de Toxos Outos

26
1198/08/04. Otero de Rey (Val de Saz).


Gonzalo Pérez, abade de Husillos, dóalle ó mosteiro de Toxos Outos o tercio da súa herdade en Nava de Otero del Rey, no bispado de León.

B.- Tombo, f. 15v.

In nomine incircumscripti Dei Patris uidelicet et Filii et Spiritu Sancti, amen. Pateat presentibus et futuris quod ego Gundisaluus Petri, nepos comitis Poncii et comitisse Stephanie, filius Petri Garsie de Leetma et Sancie Poncii, abbas Dei gratia fusellensis ecclesie, amore Dei omnipotentis et pro animabus auorum et parentum meorum nec non in peccatorum meorum remissione, facio cartam donacionis vobis domno Petro, abbati Sancti Justi, et conuentui eiusdem loci de tercia parte hereditatis quam habeo in Naua de Oteros de Rex imperpetuum ualitura, hoc cum adiecto ut lis que inter me et uos super possessionibus predicte ville actenus uertebatur a modo sopiatur et cesset votum si uos uel aliquis successorum uestrorum causam huius litis super iamdictis possessionibus uolueritis suscitare amitis ius quod impredicta domo uel hereditate et possessio huius donationis ad me uel mihi in hereditatem succedentes absque omni contradictione libere reuertatur nec super hoc uobis copiam iudicialem decetero retinere possitis. Sane hoc idem de me ipso adicio si contra istam donationem uenire uoluero uel aliquis ad quem post obitum meum hereditas quam habeo in sepedicta Naua transibit aliud adtemptare uoluerit perdam et ipse similiter ius quod ibi habeo et ad uos penitus conuertatur. Igitur hereditatem dictam superius dono uobis et concedo tali pacto uidelicet ut ex hac die et deimceps de iure meo sit remota et abmisa et uobis confirmata. Siquis ex progenie mea siue ab extranea hoc scriptum infringere uoluerit sit maledictus et excomunicatus et cum Datham et Abirom, quos uiuos terra obsorbuit, penas in inferno luat seuissimas, et insuper quantum inquietauerit duplet et regie potestati mille aureos persoluat et careat uoce et hoc scriptum usque imperpetuum maneat ualiturum.

Facta carta sub era Mª CCª XXXª VIª, pridie nonas augusti; regnante rege Adefonso cum regina Berengaria in Legione, Gallecia et Asturiis, Stremadura. Manrico existente in Legione. Turres Legionis tenente Petro Roderici de Quinones. Fernando Garsie maiordomo regis et tenente Valencia. Signifero regis Munio Roderici.

Ego Gundisaluus Petri, iam supradictus abbas fusellensis ecclesie, hanc cartam quam fieri iussi propriis manibus roboro et confirmo et signum facio.

Qui presentes fuerunt de Curuellis: domnus Petrus, presbiter, conf. Michael, conf. Petrus Martini, conf. Martinus Petri, conf. Domnus Didacus Familiaris, conf. Domnus Stefanus, conf.

Qui presentes fuerunt de Naua: domnus Petrus, presbiter, conf. Baraton, conf. Domnus Iulianus, conf.

Qui presentes fuerunt de Naua de Iuso: Michael, presbiter, conf. Martinus Martini, conf. Johannes Petri, conf.

Qui presentes fuerunt de Sancto Justo: Didacus, presbiter, conf. Domnus
Veremudus, conf. Petrus Fernandi, conf.

Petrus, ts. Dominicus, ts. Johannes, ts.

Petrus Martini, notarius domni Gundisalui, conf. (Signum)