GMH/ÍNDICE A-Z

56
1095/ 05 / 08

Menendo Vimaraz dóalle, estando doente, ó mosteiro de Celanova a súa villa de Matamá coa igrexa de san Martiño.

TC, fols. 23r. - 23v.

In nomine Patris et Filii et Spiritu Sancti in cuius nomine monasterium Cellenove constructum esse dinoscitur, et Petri abbati in eodem cenobio preesse cernitur. Ego exiguus ac pusillus Menendus Vimaraz in Domino Deo eternam salutem. Sana mente sanoque consilio lectulo quidem infirmitate detemptus, evitans casuale mortis eventum hunc voluntatis mee testamentum fieri elegi de villa nostra propria quam abeo de avorum vel parentum meorum sive de comparato, quam nuncupant Matamala integra et eclesia de sancto Martino, licet de sesta integra. Sciendum tamem est medietatem de ipsa villa est de nostra avolencia, aliam vero medietatem comparavi exinde quarta cum uxore mea Mammadomna de Alvaro Didaz, pro qua dedimus illi unum kaballum colore ruzo, et aliam quartam commutavimus eam cum hereditarios de sancta Maria de Palo, Marina Vimaraz et Petro monacho, et dedimus illis aliam quam dicent Casares non longe a sua eclesia integra. Hec villa integra superius nominata in Matamala, abet iacentiam subtus monte Leporario discurrente rivulo Deva. Concedimus eam integram cum omnibus suis prestationibus pro animabus nostris ad monasterium superius nominatum Cellenove, ut abeant inde pauperes Christi subsidium, et nos veniam peccatorum nostrorum et premium repromissum. Si quis autem propinquis aut extraneis eam ab iure monasterii abstraere voluerit, sit anathematus et in conspectu Dei omnipotentis condempnatus, et lugeat penas inferni et pariet post parte regis solidos CCos, et insuper post parte monasterii tantum quantum in-/-fringere conaverit duplum.

Factum testamentum VIIIº ydus Maii. Era C XXXIII.

Ego Menendo una uxore mea Mammadomna et filiis nostris vel filiabus manus nostras in hanc scripturam testamenti roboravimus.

(1ª columna:) Prepositus Gaudilani cfr.- Prioris Gemondus cfr.- Santio Ranemiriz cfr.- Munnio Arias cfr.

(2ª columna:) Pelagio Petriz cfr.- Pelagio presbiter cfr.- Munninus presbiter cfr.- Milianus presbiter cfr.

(3ª columna:) Auriolus diaconus cfr.- Pelagius diaconus cfr.- Fernandus diaconus cfr.

(4ª columna:) Martinus ts.- Pelagius ts.- Munnino ts.

Santius diaconus qui notuit et confirmans (signum).