GMH/ÍNDICE A-Z

387
1164/02/09. San Xusto de Toxos Outos.

Diego Sabugeiro, ó entrar como monxe no mosteiro de Toxos Outos, dóalle a este cenobio a súa herdade na vila de Mato, en S. Xulián de Luaña.

B.- Tombo, f. 115rv.

Carta de Didaco Sauugarius de hereditate de villa de Mato.

In Dei nomine. Ego Didacus Sauugarius intrans in ordinem sancti Benedicti abbatis // facio cartam testamenti ad monasterium Sancti Justi pro Dei amore et sancte Marie, uirginis semper, et sanctorum martirum Dei Justi et Pastoris et omnium sanctorum Dei pro anima mea et pro animabus omni parentum meorum in remissionem omnium peccatorum meorum de omnibus hereditatibus quas habeo de mea ganancia in territorio Besezo sub monte Luania sub aula Sancti Juliani de Luania in villa Mato. Donno et concedo ad ipsum monasterium Sancti Justi mecum duas nonas integras de tota ipsa villa de Mato cum quanto ad ipsam villam pertinet intus et foris per suos terminos et loca antiqua et cum quas duas nonas ganaui per meum precium: vnam ganaui de Petro Pelaiz dicto Nepto et de Munio Martini, clerico que fuit de Affonso Froyat, qui ganauit eam de Maria Sarrazenci sicut totum in suas kartas resonat; el aliam nonam ganaui de Marina Erit cum quinta de quinione de Petro Guntadit, que hereditates fuerunt de uiro suo Petro Trahela sicut totum in suas scripturas resonat. Totas istas hereditates offero mecum Deo omnipotenti et sanctis eius ut donent mihi hereditatem in celo cum sanctis suis in eternum. Et hanc scripturam testamenti facio in presencia domini mei abbatis Arie et omnium fratrum eius ut habeant, et cetera. Sed si aliquis homo de mea parte uel de extranea ipsas hereditates calumpniauerit quisquis fuerit pariat eas duplatas et insuper solidos Cm; semper tamen hoc testamento in suo robore permanente. Facta carta testamenti era I CC IIa et quotum Vo idus februarii.

Ego Didacus Sauugarius hanc scripturam manu mea confirmo.

Q. p. f.: Munio Pelaiz, ts. Germanus eius Martinus Pelaiz, et magister, ts. Petrus Muniz de Viogio, ts. Didacus, presbiter, conf. Froyla, presbiter, conf. Fernandus, presbiter de Elsendi, conf. Petro Besezo, conf. Munio Martini, clerico, conf. Petrus Carnota, conf. Pelagius Froylat, conf.

Munio Iohannis, prior, qui notuit.