GMH/ÍNDICE A-Z

59
1061/ 08 / 19

O rei Fernando I, dóalle ó mosteiro de Celanova e ó seu abade Arias un solar en Compostela, que fora da condesa Odrocia, para que sirva de lugar de estancia dos monxes celanovenses cando se trasladaran a Compostela e como cenodocium Dei in susceptione pauperum.

TC, fols. 23v. - 24r.

Ed. por LOPEZ FERRIRO, A., Historia de la S.A.M. Iglesia de Santiago, Santiago, 1898, II, Ap. doc. nº XCIV, pp. 236-237 y SERRANO Y SANZ, M., Documentos II, doc. XIII, pp. 32-34.

Christus. In nomine Patris et Filii videlicet et Spiritu Sancti regnantis in secula seculorum amen. Nos exigui et humillimi servorum Domini servi Fredenandus rex et Santia regina licet indigni, et cum peccatorum mole depressi in spe fidutiaque sanctorum meritis respiramus non usquequaque desperatione deicimur qui etiam teste conscientia reatus nostri criminis expavescimus, ut per eos sanctos qui in Deo sunt reconciliari mereamur a Domino atque sanctorum omnium fida supplicatione omnibus imploramus. Et ideo devotioni nostre extitit, ut vobis Domino nostro sancto Salvatore, sancti Michaheli, sanctorum XIIm apostolorum quorum reliquie recondite // manet altarios vestros in sciterio Cellenovensis territorio Limie provintie Gallecie. Annuit votum nostra ut in nomine sancto tuo Domino nostro Ihesu Christo testamentum faceremus sicuti facimus in sciterio iamfato, et fratribus monachisque ibi in Dei obsequium persistentibus, et tibi Ariani abbati idest damus et concedimus glorie vestre solare in Compostella ad aulam sanctissimi egregii Iacobi apostoli ad fontem quem dicunt in eo Samelli. Et fuit ipso solare de Odrocia comitissa quem pro isto pretio et cartas firmitatis habuit usque quando revellavit nobis cum filia sua Gyloira et cum nepus suum comitem Monnium Ruderici in nostros castellos Monte Roso, Gravulio, Alva de Buvale, et Novula, seditiones et scandalum mittens in terra Galletie, ob cuius astucia fraudulenta persequimur illum et fugiente in montibus iuditio Dei a nostris militibus comprehensus vinculis retrudi iussimus. Bona et eorum omnia lex nobis gotica abere iussit ut ex ea ordinaremus quod gloria mea iuberet. Unde accepimus ipsam cohortem quam per huius textum scripture testamenti traditam et confirmatam concedimus sciterio supradicto, ipso terreno ubi olim fundata fuit ipsam cohortem extra illo ortale que dedimus ad serviendum in illos nostros soperatos de Compostella. Vobis namque supradictis fratribus donamus iamfatum cespitem ut venientibus vestri aliquis in sanctum locum, abeant ibi ospitium pausandi opportunis diebus, et reliquis diebus sit cenodocium Dei in susceptione pauperum, unde nobis veniat aput Deum pro hac devotione mercedem. Ita de odie die et tempore de nostro iure sit ipsum solium abrasum vestro iure et dominio sit traditum perpetualiter. Quod si aliquis contra hunc nostrum factum venerit ad irrumpendum quisquis ille fuerit de qualibet generi humano ut sit anathema perditionis, ut cum Datan et Abiron dimersus et cum Iuda Scariot pars illius sit lugendi baratro, et secularia damna adflictus pariet vobis vel voci vestre in duplo vel triplo, vel quantum a vobis extiterit melioratum, et hunc factum nostrum plenissime abeat firmitatis roborem in cunctis diebus.

Notum die XIIII Kalendas Setembris. Era M LXL VIIII.

Fredenandus nutu Dei rex in hac scriptura testamenti manu mea cfr (signum). Santia regina cfr (signum).

(1ª columna:) Urracha cfr.- Gilvira cfr.- Adefonsus cfr.- Garsea cfr.

(2ª columna:) Sub Christi nomine Froyla ovetensis episcopus cfr.- Auxilio Christi munitus Cresconius yriensis et apostolice sedis episcopus cfr.- Didacus astoricensis episcopus cfr.- Aloytus legionensis episcopus cfr.- Soarius menduniensis episcopus cfr.- Vistrarius lucensis episcopus cfr.

(3ª columna:) Oveccus Vermudiz comes cfr.- Petrus Gonsalviz armiger regis cfr.- Santio Ordoniz comes cfr.- Seieredo Aloytiz cfr.- Nunnu Munionis cfr.- Pelagio Titoniz diaconus cfr.- Petrus Gonsalviz diaconus cfr.- Ordonius Didaz diaconus cfr.- Adefonsus Didaz diaconus cfr.

(4ª columna:) Didaco ts.- Froila ts.- Pelagio ts.- Sisevutus ts.- Felix ts.- Titon ts.- Item Pelagio ts.- Aloyto ts.

Arias Didaz notuit qui cfr huic signo (signum).