GMH/ÍNDICE A-Z

281
1172/05/25.

Guntrode Adriánez cos seus fillos, o seu irmán Pedro Adriánez e a súa irmá Maior del Pico co seu marido véndenlle ó mosteiro de Toxos Outos o que teñen nas igrexas de Sta. Cecilia de Monte Siam e S. Xulián de Bastavales por cinco marcas de prata.

B.- Tombo, f. 91rv.

Carta de Guntrode Adriani cum filiis suis de ecclesia de Bastauales.

Quoniam ea que venduntur atque emuntur litteris confirmatur ne olliuioni tradantur, idcirco ego Guntrode Adriani una cum filiis meis Petro Gimari, Fernando Guimari uoxque nostra atque fratris nostri Petri Adriani similiter et soror nostra Maior del Pico cum uiro suo Pelagio del Picu et filiis suis, vobis domno Petro Sancti Iusti abbati atque uniuerso conuentui uestro in Deo eterno salutem, amen. Placuit nobis per bona pacis et nostra est uoluntas ut faciamus vobis sicuti facimus kartam uendicionis de hereditate nostra // ecclesiastica quam habemus in illis ecclesiis scilicet Sancti Iuliani Bastauales et Cecilie que sunt site in loco Amaya inter monte Siam et ribulum Saris atque subdite Beati Iacobi ecclesie quantam abolenciam uel gananciam in eisdem ecclesiis habemus, id est omnes ille porciones que ex illis ecclesiis Ledegundie Eldefonsi, mater nostre, contra ueniunt exceptis particulam illam que est Toclaona Uermuici etiam quam ganauit frater noster Uermulus Traela de Garcia Uermuici et de Petro Uermuici et postea uendidit nobis cum ipsa sua abolencia et nos modo bono animo et integro non aliqua ui cogente ubi uitus atque uestitus abundancia egentes carentes eas uobis contrafirmare literis cicius uenimus pro precio quod uos dedistis et nos recepimus, id est marchas Ve fini argenti, et de precio apud uos non remansit ad soluendum; damus et concedimus domos illas cum omnibus suis hereditatibus atque directuris que ad eas conueniunt aut conuenire debent ita ut de hodie die et tempore habeatis domos illas imperpetuum et omnis posteritas uestra. Quod si aliquis demens uel insanus contra hoc factum nostrum uenire temptauerit quisquis ipse fuerit pariat illam hereditatem ecclesiasticam duplatam uel triplatam et insuper solidos D persoluat, et hec karta semper sit firma.

Facta karta uendicionis die quod est VIIIo kalendas junii, era Ia CCa Xa.

Ego Guntrode Adriani et filii mei Petrus et Fernandus in hac karta uenditionis aut donacionis manus nostras roboramus. Similiter et ego Maior del Pico et uir meus Pelagius manus nostras roboramus, et cetera.