GMH/ÍNDICE A-Z

96
1219/10/21. Santiago de Compostela.

Nuno e Pedro García véndenlle ó mosteiro de Toxos Outos a súa herdade na vila de Viro, en S. Xoán de Roo, por cincocentos soldos leoneses e unha poldra, ademais dun poldro “pro robore”.

B.- Tombo, f. 48v.

Carta Nunonis Garsie et Petri Garsie de hereditate Veeru.

In Dei nomine. Ego Nuno Garsie et Petrus Garsie et omnis uox nostra vobis abbati domno Johanni et conuentui monachorum monasterii Sancti Justi omnique uoci uestre, grato animo facimus cartam venditionis imperpetuum ualituram de nostra propria hereditate quantamcumque habemus uel habere debemus tam de auolencia quam de ganancia in villa Ueeru que habet iacenciam in territorio Intinis, concurrente ad ecclesiam Sancti Johannis de Roo. Hanc igitur nostram hereditatem uobis ab integro vendimus ac firmiter concedimus cum omnibus suis directuris et adiunctionibus eidem hereditati pertinentibus intus et extra cum casis et casalibus, terris cultis uel incultis, arboribus et plantatibus omnium generum, exitibus et regressibus, montibus et fontibus, pratis et pascuis, fluuiis et riuulis, et cum quanto aprestitum hominis est per ubicumque inuenire potueritis per suos terminos et diuisiones antiquas pro precio quod nobis et uobis satis complacuit, uidelicet solidos D legionensis monete et puldra una, et pro robore puldro uno; que scilicet hereditas nobis euenit ex parte matris nostre Maioris Afonsi et Affonsi Arie, et uendimus et concedimus uobis illam sub tali condictione quod nunquam illam uendatis nec alienetis nec in prestimonium donetis alicui, et tam de precio quam de robore aput uos nichil remansit indebito ad soluendum. Ab hinc itaque habete, possidete et omne uelle uestrum ex ea facite in secula seculorum, amen. Siquis tantum propinquus uel extraneus contra hanc cartam ad infringendum uenerit quantum calumpniauerit in duplo uel triplo componat et uobis insuper solidos mille et puldras duas et puldros duos exsoluat; hac tamen carta semper in suo robore permanente.

Facta carta huius uendictionis die XIIo kalendas nouembris sub era Ma CCa La VIIa.

Nos iamdicti in hac carta manus nostras.

Q. p. f.: Johannes Romanz, conf. Matheus Didaci, conf. Petrus Uilidus, conf. Martinus Martini de Superado, conf. Paulus Fernandi, conf. Fernandus Martiz, ca<m>psor, conf. Petrus Martiz, presbiter, frater eius, conf. Johannes de la Uilla, conf. Pelagius Iohannis, pelliparius de Pigna, conf.

Suerius Pelagii, compostellanus publicus notarius iuratus, scripsit et conf. (Signum: SVERIUS).