GMH/ÍNDICE A-Z

99
1314, xaneiro, 19
arrendamento

O cabido arréndalle vitaliciamente a Domingo Iáñez, dito das Mesas, morador na rúa da Obra, unha viña na Cal por 480 soldos.




ACOu, Escrituras XVII, 15

Noverint universi quod nos Gundisalvus Nunni decanus et capitulum auriense arrendamus vobis Domenico Iohanis dicto das Mesas, moratori in vico Operis, quandam vineam quam habemus in termino auriense, loco vocato Caal. Arrendamus vobis dictam vineam cum omnibus iuribus et pertinentiis suis in tota vita vestra de decima deo ut propaginetis et excolatis et paretis eam bene ita quod non defficiat per culturam et solvatis inde nobis annuatim in saluo quatuorcentos et octuaginta solidos monete domni regis Fernandi, de qua computantur duo paria pro tribus solidis, videlicet medietatem in festo Sancti Iohanis Baptiste et aliam medietatem in festo Assumptionis beate virginis Marie, non obstante grandine vel gelu seu qualibet alia temporis tempestate. Et si ista moneta in usu non fuerit dabitis de alia moneta que pro tempore cucurrerit extimationem istius prout duo de capitulo duxerint extimandum. Et si per impotenciam vel negligenciam cultura dicte vinee ommissa fuerit vel aliqui ex hiis que superius sunt comprehenssa non fuerit observatum, licitum sit nobis monicione prehabita auctoritate propria dictam vineam prout ipsam invenerimus recipere et habere sine contradiccione aliqua. Et ad mortem vestram si dicta vinea non fuerit reparata bene, reparetur per bona vestra. Et si contencio super aliquo inter vos et capitulum orta fuerit, per duos de capitulo terminetur, omni appellacione cessante. Et ad hoc sit complendum ego predictus Domenicus Iohanis obligo me et omnia bona mea tam habita quam habenda. Et in super do vobis fideiussorem presentem et consencientem et omnia bona sua ad hanc fedeiussionem obligantem Laurencium Domenici moratorem in vico Operis. Et si dictus Laurencius Domenici decesserit, detis alium fideiussorem sufficientem loco ipsius qui teneatur ad omnia suppradicta. Et capitulum debet vos deffendere ad directum cum dicta vinea. Actum fuit hoc Aurie, xªviiiiª die menssis januarii, era mª cccªliiª. Presentibus testibus Fernando Petri porcionario et maiordomo capituli, Viviano Iohanis rectore Sancti Iohanis de Moreyras, Petro Didaci de Bezerril cappellano, Gunssalvo Namorado viatore capituli, Roderico Guterrii notario auriense.

Et ego Bartholomeus Petri cantor et cancellarius civitatis auriensis adhibitus et rogatus premisis omnibus interfui et in mei presencia scribi feci signumque meum quod tale est apposui in testimonium premissorum.

(signum)

[reverso] Litera capituli vinee quam tenet Domenicus das Mesas.