GMH/ÍNDICE A-Z

343
1222/12/16. Santiago de Compostela.

A peixeira Mariña Páez co seu marido, Paio Martínez, e a súa irmá María Páez “Pequena” véndenlle ó mosteiro de Toxos Outos as súas herdades nas vilas de Suevos, Pedrouzos e Reino, en Sta. María de Trasmonte, por trescentos cincuenta soldos leoneses. O documento realízase e ratifícase tres anos despois de facerse a venda.

B.- Tombo, f. 106r.

Carta de Marina Pelagii, pixotaria, et de Maria Paquinina de hereditate de Soeuos et de Pedrouzo et de Regno.

In nomine Domini nostri Ihesu Christi. Notum sit omnibus quod nos Marina Pelaiz, pixotaria, et Pelagius Martini, maritus meus, et Maria Pelaiz dicta Pequina, sorores, et omnis uox nostra grato animo et spontanea uoluntate vendimus et firmiter concedimus vobis domno Johanni Todinz, monasterii Sancti Justi de Tribulis Altis abbati, et conuentui eiusdem monasterii omnique uoci uestre pro precio nobis et uobis complacabili, videlicet CCCL solidos legionensis monete, quantam hereditatem habemus in Sueuos et in Pedrouzo et in Regno tam de auolencia quam de ganancia concurrentem ad ecclesiam Sancte Marie de Trasmonte. Hanc igitur predictam hereditatem quam uobis uendimus integre habeatis et pacifice possideatis cum omnibus suis directuris eidem intus et extra pertinentibus per suos terminos et diuisiones antiquas ubicumque fuerint, ita quod omne uelle uestrum de ea imperpetuum faciatis quia nec de precio neque de robore penes uos remansit aliquid persoluendum. Siquis igitur contra hanc uendicionem nostram, quod minime credimus, ad irrumpendum uenerit quisquis fuerit persoluat uobis uel uoci uestre DCC solidos fortis monete, carta et uendicione nichilominus in suo robore permanentibus.

Facta carta XVII kalendas januarii, era Ma CCa LXa.

Nos iamdicti in hac carta manus nostras.

Et sciendum est quia bene sunt tres anni elapsi quod nos uendimus uobis supradictam hereditatem et roborauimus inde cartam in manu Sanini presbiteri in presencia Martini Cresconii, fratris Beati Jacobi, et Martini Martini Gibazini, Pelagii Didaci et aliorum; presentibus ipsis Sanino, presbitero, et Martino Cresconii, fratre,  et concedentibus hoc totum coram istis testibus subscriptis.

Q. p. f.: Arias Martini. Elias Pelaiz. Johannes Arie Mergules. Bernaldus Eliazar. Julianus Martini, albergarius. Petrus de Sancto Tirsso, alfayatus de Villari, et alii.

Ego Martinus Iohannis, notarius concilii compostellani ciuitatis juratus, scripsi.