GMH/ÍNDICE A-Z

68
989/ 12 / 10

O confeso Vistrario dóalle ó mosteiro de Celanova e ó abade Pelaio, a súa villa de Villare en san Pedro da Mezquita, coa condición de que teña a metade da mesma durante a súa vida.

TC, fols. 27r. - 27v.

In nomine meo salvatori omnium, necnon et vernulis tuis domnis meis invictissimis ac / triumphatoribus sanctisque martiribus, in cuius nomine et honore fundatum dinoscitur esse monasterium nuper vocatum Cellanova. Adeo ego indignus peccator Vistrarius confessor cum criminum mole depressus, redemptoris mei vel sanctorum eius suffragia respirans. Non tamem desperatione deicior, qui etiam teste conscientiarum mearum sepe pavesco. Ut ego per sanctorum fidutiam tandem reconciliari merear Domino omnium vestro suffragio fida supplicatione confido. Ideo devotioni mee extitit ut de paupertatula mea offerrem glorie vestre vel consortium fratrum monastica in sanctis atriis vestris degentium vita qualiter illis sit inde temporale subsidium, et mihi eterne glorie municipatus. Ideo offero perpetualiter post parte prefati monasterii vel pontifice domno Pelagio episcopo, Manillani abbati vel fratribus in ipso loco pie viventibus, villam quam vocitant Villare subtus sancto Petro de Mezquita, territorio Bubale, subtus castro Veives. Et abui ipsam villam de avios meos Hermegildo et Manosenda, seu et de patre meo Guimiro et mater mea Auripella vel de tio meo Vistrario confesso, seu et quantum ego ibi ganavi vel comparavi vel deinceps augmentare potuero. Concedo vobis ipsam villam cum domos et eorum utensilibus, aquas aquarum cum eductibus suis, exitus montium, vineas, terras abrubtas et barbaras, pratis, pascuis, paludibus, pomeriis et omnia genera frondium, de omnia suprataxata habeatis in vita mea medietatem. Post obitum vero meum omnia ab integro abeatis et possideatis iure quieto. Si quis sane, quod fieri non credo, aliquis homo tam de extraneis quam de propinquis meis qui hoc votum meum irrumpere temptaverit, sit excomunicatus et a consortio sanctorum privatus, et cum Iuda Domini proditore penis trucidatione multatus, atque temporali lege quoactus pariet tantum et aliud tantum quantum de iure monasterii aufferre conaverit, et vobis sit abiturum.

Facta series testamenti IIII Ydus Decembris. Era M XXVII.

Vistrarius confessus in hoc votum meum quod fieri volui manu propria roboravi (signum).

(1ª columna:) Sub Christi virtute Pelagius episcopus cfr.- Manillani abbati et confessus cfr.- Didaci abbati et confessus cfr.- Vatizani confessus cfr.- Fortis confessus cfr.- Nausti confessus cfr.- Lubilani confessus qui tunc prepo\situs\ cfr.

(2ª columna:) Sedeges confessus cfr.- Suarius confessus cfr.- Pelagius confessus cfr.- Sentani confessus cfr.- Eldemirus confessus cfr.- Riquilani confessus cfr.- Gundesindus confessus cfr.

(3ª columna:) Fidelis confessus cfr.- Sandinus presbiter cfr.- Geodemirus presbiter cfr.- Ranemirus presbiter cfr.- Leovericus presbiter cfr.- Ansericus confessus cfr.- Baltarius confessus cfr.

(4ª columna:) Gundulfus confessus cfr.- Item Gundulfus confessus cfr.- Sisnandus presbiter cfr.- Alivertus confessus cfr.- Munnius presbiter cfr.- Bonentius confessus cfr.- Guntinus presbiter cfr.

Vimarani diaconus qui etiam notuit.