GMH/ÍNDICE A-Z

Referencias da busca neste documento para: Documentos da catedral de Lugo. Século XIV

20
1302, agosto, 26. Lugo

O bispo e o Cabido establecen que a partir de agora as administracións deben pagarse mensualmente ao día seguinte das calendas.

MADRID, AHN, Cód. 1042 B, fol. 43r.

In Dei nomine amen. Noverint universi quod [...] [reverendus] pater domno Alfonso bone memorie quondam lucensis episcopo, et decano ac capitulo eiusdem quod completis administrationibus [...] secundum novum statutum omnes fructus seu redditus dicti capituli superexcrecentes ab arrendatoribus dicto capitulo per anni tercias solverentur, et quem dictis arrendatoribus erat [minus] dapnosum et onerosum dictas rendas solvere in traciis supradictis, idcirco reverendus pater domnus R., Dei gratia lucensis episcopus, una cum venerabilibus viris domno Aria Petri decano et capitulo eiusdem, statuerunt prefatam constitutionem temperatos videlicet isto modo quod prefati arrendatores tam administratores quam alii qui a capitulo lucensis aliquid arrendarunt onmes rendas predicti capituli completis mensium administrationibus solverentur in duodecim anni terminis scilicet in crastino quarumlibet kalendarum facta solutione equaliter in qualibet termino, et que administrator cuiuslibet mensis in die kalendarum prebendas integre administret de solutione sibi in crastino facienda qui sibi debet fieri ab arrendatoribus supradictis. Et si forte aliquis arrendator defecerit in solutione vel parte ipsius in aliquo istorum terminorum decanus, qui pro tempore fuerit vel eius vicarius, subtrahat eidem arrendatori et eius fideiussoribus fructo portionum sive prebendarum absque spe restitutionis illorum dierum quibus in solutione tam fortis quam pene vel eius parte cessatum fuerit, et in super in penas in supradictam constitutionem contentas quas debebant solvere qui per tercias anni ut dictum est solvere tenebantur incidat qui non solvunt et quod super restitutione seu remissione fructum predictarum portionum seu prebendarum ac etiam penarum nulla gratia fiat debitoribus et fideiussoribus memoratis alio quin facientes gratiam vel consentientes eidem vel remissioni penarum vell easdem penas petere et exigere dissimulantes penam ipso facto incurrant in prima constitutione contentam. Et decanus vel eius vicarius qui in executione predictorum scienter vel affectata ignorancia negligens vel remisso inventus fuerit propter reatum per virii qui eo ipso incurrat qui in promissis negligens fuerit dephensus ad arbitrium lucensis capituli vel trium de ipso capitulo, quos ad hoc idem capitulum duxerit deputandos graviter puniatur. Predicta constitutione in omnibus aliis nichilomibus valitura.

Actum fuit hoc in domibus domni episcopi supradicti. Presentibus: domino episcopo, decano et capitulo memoratis per pulsationem campane more solito congregatis.

In Era Mª CCCª XXXXª et quotum VIIº kalendas september.