GMH/ÍNDICE A-Z

511
1156/03/12.

Munio Gudestéiz cambia co mosteiro de Toxos Outos a súa herdade na vila de Servia, en Sta. Eulalia de Vilacova, polo que o cenobio ten en Liñares, en S. Fins de Brión, que Munio lle deixará ó mosteiro ó morrer.

B.- Tombo, f. 141v.

De Villa Coua in terra de Pestromarchos.

De villa de Ceruia in filigresia Sancte Eolalie de Villa Coua.

Concambium de Munio Gudestey cum monasterio de sua hereditate de Villa Coua.

In Dei nomine. Ego Munio Gudesteiz et omnis uox mea vobis domno Pelagio, monasterio Sancti Iusti abbati, et omnibus fratribus ibidem Deo seruientibus in Domino Deo eterno salutem. Placuit mihi et mea fuit uoluntas vt facerem uobis kartam concambiacionis de hereditate mea propria quam habeo in territorio Luania in villa Ceruia de auolo meo Petro Saninz et de matre mea Truyle Petriz. Dono vobis et concedo totam illam hereditatem integram quam ibi habuit auus meus iamdictus Petrus Saniz de auolencia et de ganancia et postea uenit tota in particione de matre mea Truile Petriz inter suos germanos, et cetera; et ego comparaui eam de germano meo, scilicet medietatem, pro uno caballo. Et hodie dono vobis ipsam hereditatem integram per suos terminos antiquos que ad ipsam hereditatem de Ceruia pertinent et uos datis mihi pro ea alia uestram hereditatem quam habetis in territorio Amaia sub aula Sancti Felicis de Brion in uilla Linares quam uobis dedit Oduarius Uillanus pro anima sua per mandacionem cum quanto ibi habebat que ad eum pertinebat. Et uos datis mihi eam pro illa mea iamdicta tali pacto et conditione ut ad mortem meam relinquam uobis ipsam de Linares quam mihi datis cum quanto ibi ganauero pro anima mea, et illa de Ceruia semper aput uos permanente in uestro jure sicut iacet determinata inter monte Colou et fluuium de Traua et terminos de Muares sub aula Sancte Eolalie de Villa Coua. Quod si aliquis homo de mea parte uel extranea ipsam hereditatem quam uobis integram et pacatam et sine calumpnia uobis dono aliquando calumpniauerit uel istam quam mihi datis post mortem meam filii mei uel parentes retinuerint uel in contrarium miserint quis fuerit qui hoc uel illud commiserit sit maledictus et pariat in duplum quantum calumpniauerit uel retinuerit et insuper pariat solidos CCC; et ista carta in suo tamen robore permanente.

Facta carta concambiacionis noto die IIIIo idus marcii, era Ia Ca LXLa IIIIa.

Ego Munio Guestez hanc scripturam manus meas roboro.

Q. p. f.: Petrus Didaci, ts. Arias Petri, ts. Rudericus Muniz, ts. Johannes Petri dictus Chicus, conf. Sanio Petri, conf. Munio Fol, conf. Munio Sarraceniz, conf. Petrus Ceua, conf.

Pelagius, presbiter, qui notuit.

Hoc signum feci ego Munio Guestiz.