GMH/ÍNDICE A-Z

B 10

1425, xuño, 9. Roma.
Traslado da bula do papa Martiño V (1417-1431) pola que autoriza a unión á Mesa Capitular da Catedral de Mondoñedo da cuarta parte do beneficio de Vilamor. Foi comisionada ó prior do mosteiro de San Martiño de Mondoñedo, quen, no oportuno proceso, a transcribe integramente.
B, perg., con signo notarial e cordón polícromo do que pendeu o selo, de 505 x 410 mm. Letra semigótica.
Ref.: flórez, vol. xviii, p. 190.

Universsis et singulis presentes litteras inspecturis Aluarus prior monasterii Sancti Martini de Mondonedo mindoniensis diocesis / salutem in Domino. Noueritis nos a santissimo in Christo Patre et domno nostro Martino diuina prouidencia papa quinto litteras recepisse cum vera bulla plumbea in filis canapis / inpendentibus integre more romane curie bullatas sanas et integras non viciatas non cancellatas nec in aliqua sui parte suspectas sez omni prorsus vicio et suspicione carentes / prout prima facie aparebat nobis per honorabiles et discretos viros decanum et capitulum ecclesie mindoniensis presentatas quarum tenor sequitur huiusmodi sub tenore:
Mar/tinus Episcopus seruus seruorum Dei dilecto filio priori monasterii Sancit Martini per priorem soliti gubernari mindoniensis diocesis salutem et apostolicam benediccionem. Sincere de/uocionis affectus quem dilecti filii decanus et capitulum ecclesie mindoniensis ad nos ad romanam gerunt ecclesiam non indigne meretur ut ipsorum peticionibus quantum / cum Deo possumus fauorabiliter amnuamus exhibita siquidem nobis nuper pro parte decani et capituli predictorum peticio continebat quod olim perpetuo beneficio quarta parte / nuncupato parrochialis ecclesie sancte Marie de Val de Vilamor mindoniensis diocesis per liberam resignacionem dilecti filii Fernandi Petri de Moosende olim de illo quod tunc tempo/ris obtinebat in manibus venerabilis fratris nostri Egidii espiscopi mindoniensis extra Romanam curiam sponte facta et per eundem epicopum extra eanden curiam ordinaria auctoritte / admissam vacante idem episcopus beneficium predictum quod sine cura est cuiusque viginti quatuor cum omnibus juribus et pertinenciis suis de conssensu illorum ad quos / ipsius beneficii presentacio pertinebat mense capituli predictorum cuius mille et ducentarum librarum turonensium paruorum fructus redditus et prouentus secundum communem extimacionem / valorem annuum ut iidem decanus et capitulum asserunt non excedunt pro certis usibus diuini cultus augmentum in eadem ecclesia mindoniensi concernentibus in perpetuumm / incorporauit annexuit et uniuit prout in quodam publico instrumento exinde confecto ipsius episcopi sigillo impendenti munito plenius dicitur contineri. Quare / pro parte decani et capituli predictorum fuit Nobis humiliter suplicatum ut vnioni annexioni et incorporacioni predictis pro illarum sustancia firmior robur apostolice confirmacionis adnecteretur / de benignitate apostolica dignaremur. Nos igitur de premissis certam noticiam non habentes huiusmodi suplicacionibus inclinati discrecioni tue per apostolica scripta manda/mus quatenus si est ita super quo tuam conscienciam oneramus vnionem annexionem et incorporacionem predictas et quecumque inde secuta sicut prouide facta sunt auctoritate / nostra approbes et confirmes non obstantibus constitucionibus apostolicis necnon statutis et consuetudinibus dicte ecclesie mindoniensis etiam juramento confirmacione / apostolica uel quacumque firmitate alia roboretis ceterisque contrariis quibuscunque. Datum Rome apud sanctos apostolos v idus junii pontificatus nostri anno nono.
Qui/bus quidem litteris per reuerencia condigna receptis ipsisque visis et deligenter inspectis affectante quoque etiam ipsarum execucione cum omni solicitudinis studio intendentes fide/liter et deuote prefati mandati apostolici forma diligenter attenta et omnibus obseruata circunstancias quaslibet que circa predictas vnionem annexionem et incorporacionem / et quecunque inde secuta attendende noscuntur considerantes diligenter et de ipsis plenius inquirentes que per predicta nobis plene constitit dicto beneficio quarta parte nuncu/pato parrochialis ecclesie sancte Maria de Val de Vilamor mindoniensis diocesis per liberam resignacionem predicti Fernandi Petri de Mosende olim de illo quod tunc temporis / obtinebat in manibus prefati domni Egidii episcopi mindoniensis extra eandem romanam curiam sponte factam et per eundum episcopum extra prefate eiusdem curie auctoritate ordinaria / admissam vacante et quod idem episcopus beneficium predictum quod sine cura est cuiusque viginti quatuor cum omnibus iuribus et pertinenciis suis de conssenssu illorum / ad quos ipsius beneficii presentacio pertinebat mense capituli predictorum cuius mille et ducentarum librarum turonensium paruorum fructus redditus et prouentus secundum communem / extimacione valorem anuum ut iiden decanus et capitulum asserunt non excedunt pro certis vsibus diuini cultus augmentum in eadem ecclsia mindoniensi concernentibus / in perpetuum incorporauit anexauit et vniuit prout in quodam publico instrumento exinde confecto ipsius episcopi sigillo inpendenti munito plenius dicitur contineri / et dicto domno nostro sumo pontifice veritate insuprascriptis scriptis (sic) litteris per eum obtentis expresisse aliaque sibi merita suffragari et huiusmodi vnionem anexacionem / et incorporacionem predictas et quecunque inde secuta obtinendi aliquod canonicum obstate idcirco Nos Aluarus prior prefatus dictas vnionem annexacionem / et incorporacionem predictas et quecumque inde secuta auctoritate apostolica qua fungimur in hac parte in perpetuum approbamaus et confirmamus ac etiam valituro mandamus / non obstantibus consitucionibus apostolicis necnon statutis et consuetudinibus dicte ecclesie mindoniensis etiam juramento confirmacione apostolica uel quacunque firmitate alia ro/boracione ceterisque contrariis quibuscunque. In quorum omnium et singulorum fidem et testimonium premissorum presens publicum instrumentum aprobacionis et confirmacionis per / notarium publicum infrascriptum publicari signari et subscribi mandauimus sigillique nostri jussimus et fecimus appensione muniri. Date et acte in ciuitate / Villemaioris mindoniensi intus in choro ecclesie predicte ciuitatis ad exitum Prime sub anno a natiuitate Domini millesimo quadringentesimo vicessimo sexto indiccione / quarta die vero decima septima menssis augusti pontificatus prefati domni nostri Martini diuina prouidencia pape quinti anno nono. Presentibus ibiden / venerabilibus et discretis viris domnis Fernando Dourado canonico predicti monasterii Sancti Martini Alfonso Petri clerico de Roupar Johanne Gundisalui clerico de Masma / Fernando Garssie sacrista predicte mindoniensis clericis mindoniensis diocesis Didaco Roderici procuratore predicte ciuitatis Luppo Didaci eius fratre Aluaro Fernan/do Petri laycis testibus ad premissa vocatis specialiter et rogatis. Prior (Rúbrica).

Et ego Petrus Fernandi porcionarius mindoniensis publicus apostolica auctoritate notarius premissis omnibus et singulis dum sic ut premittitur per predictum / domnum priorem judicem et exsecutorem prefatum factum et coram eo agerentur discernerentur et fierent vna cum prenominatis testibus presens interfui / ac omnia et sigula supradicta sic fieri bidi audiui et in notam recepi et exinde hoc presens publicum instrumentum manu propria scripssi et hic / nomen meum et signum consuetum appono in fidem et tetimonium omnium et singulorum premissorum rogatus et requisitus. Constat / michi notario de omnibus supradictis sic fieri et fore et esse berum. Petrus Fernandi porcionarius notarius apostolicus (Rúbrica) (Signo).