GMH/ÍNDICE A-Z

396
1236/11/05. Santiago de Compostela.

O cabaleiro Fernando Pérez “Besezo” véndelle ó mosteiro de Toxos Outos a herdade que recibiu de Pedro Martínez “Boca de Goyaes”, quen o adoptara como fillo, por cincuenta soldos leoneses.

B.- Tombo, f. 117rv.

Carta Fernandi Besecio, militis, de hereditate Petri Martini dicti de Boca.

In nomine Domini. Notum sit omnibus quod ego Fernandus Petri dictus Besecius, miles, et omnis uox mea grato animo et spontanea uoluntate vendo et firmiter concedo vobis domno Johanne Tudiniz, abbati, comparanti pro uobis et pro conuentu monasterii Sancti Iusti omnique uoci uestre quantam hereditatem ego habeo et habere debeo ex parte Petri Martini dicti de Boca de Goyaes, qui me recepit in filium, et totam uocem suam que me contingit et contingere debet ubicumque sit ex parte ipsius Petri Buca, et proinde datis mihi ad libitum meum et uestrum solidos La legionensis monete, et si magis ualet do uobis. Hanc igitur predictam hereditatem uos et uox uestra integre habeatis et pascifice possideatis cum omnibus suis directuris ad eam pertinentibus per suos terminos et diuisiones antiquas ubicumque fuerint. Ita quod omne uelle uestrum de eis imperpetuum faciatis quia nec de precio nec de rob<o>re apud uos remansit aliquid persoluendum. Siquis igitur contra hanc uendicionem meam ad irrumpendum uenerit quisquis fuerit, pectet uobis uel uoci uestre solidos C fortis monete; carta et uendicione nichilominus in suo robore permanentibus.

Facta carta nonis nouembris, era Ma CCa LXXa IIIIa.

Ego iamdictus in hac carta manus meas.

Q. p. f.: Magister Uitalis, canonicus compostellanus. Martinus Ueremudi.  Domnus Johannes Petri Peyroneth. // Froyla Petri, canonicus yriensi.

Ego Martinus Iohannis, notarius concilii compostellani juratus.

Ego Villielmus Martini de mandato magistri mei Martini Iohannis, notarii concilii compostellani, scripsi et interfui.