GMH/ÍNDICE A-Z

741
1171/05/31.

O presbítero Paio Pérez dóalle ó mosteiro de Toxos Outos unha oitava da
igrexa de Sta. María de Olveira xunto coas escrituras que ten sobre ela para que o
mosteiro poida defenderse con elas.

B.- Tombo, f. 184r.

Carta de Pelagio Petri, presbitero, de VIIIa ecclesie Sancte Marie de Olueyra.

In nomine sancte et \in/diuidue Trinitatis, uidelicet Patris et Filii et Spiritus Sancti. Ego Pelagius Petri, presbiter, diuina inspiratione gratia pura mente et ylari corde facio cartam donacionis et scripturam testamenti imperpetuum ualituram pro Dei amore et sancte Marie uirginis et sanctorum martirum Justi et Pastoris quorum monasterium est in monte Loanie vbi dono vnam VIIIam integram de tota ecclesia Sancte Marie de Oluaria que sita est in Pistomarchis. Quam uidelicet VIIIam quidam auunculus meus Fernandus Uermuez, presbiter, ad obitum suum mandauit eam pro anima sua magistro suo Petro Ruderiquit, presbitero, tali pacto ut in uita sua oraret pro eo et postea daret eam ad alium qui oraret pro eo sicut in sua mandacione resonat; et ipse Petrus Ruderiquit dedit mihi postea ipsam VIIIam per multorum bonorum hominum conuenienciam ut complerem omnem debitu pro eo et postea darem eam ubi oraretur pro supradicto Fernando presbitero sicut in sua scriptura quam mihi de illa fecit VIIIa resonat, et cetera. Dono ipsam VIIIam integram prefate ecclesie sicut eam usque hodie integram pacifice tenui cum omnibus adiunctionibus suis et prestacionibus et appendiciis predicto monasterio Sancti Iusti et uobis domno abbati Petro et monachis tam presentibus quam futuris ibi Deo usque in finem seruientibus ut oretis pro iamdicto auunculo meo Fernando presbitero et pro suis parentibus et pro me ipso, et cetera. Et dono uobis illas scripturas quas de illa VIIIa habeo per quas eam defendatis a malis hominibus, et cetera. Set si aliquis de nostra parte uel extranea contrauenerit, et cetera, in duplo componat et insuper parti monasterii solidos CCC persoluat.

Facta series testamenti IIe kalendas junii, era Ia CCa VIIIIa.

Ego Pelagius Petri, et cetera.

Q. p. f.: Petrus, ts. Johannes, ts. Pelagius, ts. Fernandus, presbiter, conf. Johannes, presbiter, conf. Didacus, presbiter, conf. Froyla Fernandi, presbiter, conf. Anaia Petri dictus Pardus, conf. Munio Didaci, conf.

Munio, presbiter, qui notuit et conf.