GMH/ÍNDICE A-Z

43
1302, marzo, 6
foro

O bispo Pedro afóralles a perpetuidade a Martiño Vázquez e á súa muller, Maior Iáñez, un casal en Currás, coa condición de plantar viña en tres anos, por media e un moio de viño.



ACOu, Bispo, 21


In dei nomine amen. Noverint universi quod nos Petrus dei gratia auriensis episcopus damus et concedimus (ad) forum Martino Velasci et uxori sue Maiori Iohanis moratoribus in Curraes et omni voci eorum (...)tuum illud nostrum casale quod ibi habemus in quo modo ipsi habitant, cum toto heredamento quod (...) pertinet et cum omnibus pertinentiis suis bene et perfecte, sicut illud tenebat et possidebat (...) dictus Bispo, qui in eo moratus est, exceptis leyris videlicet quam tenet Paulus Viviani can(onicus) auriensis et alia que est coniuncta cum agro ecclesie de Rante. Damus inquam eis dictum casalem (...) dictum est, tali videlicet condicione ut ipsi et omnis vox eorum habeant illud iure hereditario in perpetuum possidendum et excolant et parent bene omnis hereditates que ad ipsum casale pertinent exceptis illis duabus supradictis leyris, ita quod non deficiant per culturam nec per malum paramentum. Et quod plantent de vinea quicquid ibi est ad plantandum usque ad tres annos proximo venientes. Et dent nobis et omnibus successoribus nostris annuatin per maiordomum nostrum medietatem omnium que deus ibi dederit, vinum vero in lagari et panem in area. Sine quo maiordomo non debent colligere vinum, panem et fructus. Et pro directura debent dare \annuatin/ unum modium vini. Et si ipsi hereditates dicti casalis vel earum partem vendere aut obligare voluerint, primo vendant aut obligent pro iusto precio episcopo auriense quam alii. Et si illas aut partem earum emere aut obligatam recipere noluerit, tunc vendant aut obligent non militi, non generose persone, non petenti, non religioso, non burgensi nec civi nec moratori auriense nec de civitate nec de burgo nec de alio loco forario nec maiordomo nec servo alicuius, sez tali persone que moretur in cauto nostro de Lauredo et que teneatur episcopo auriensi ad omnia ad que ipsi ex ipsa pactione tenentur. Tenentur etiam ipsi et omnis eorum vox esse fideles vassalos episcopi auriensis et omnes semiliter qui hereditates ipsius casalis vel earum partem tenuerint. Et non debent contra (...) auriense dominium vel defensionem alicuius super predictis hereditatibus vel earum parte seu fructibus earum aliqua (...) invocare. Sez si inter episcopum auriensem et ipsos vel successores suos super predictis hereditatibus vel earum fructibus questio aliqua orta fuerit eligantur ex necesitate de beneplacito precium duo vel tres de capitulo auriense quorum composicione vel iudicio omni appellatione cessante ipsa questio terminetur. Volumus et mandamus quod si episcopus auriensis petitum fecerit in villis aut in vassallis suis quod contribuant cum eis in ipso petito pro rata que eos ex predictis hereditatibus continget. Et si contigerit eos vel sucessores suos ob collectam monete regis raciocinus vel maleficiis obligari supradictum casale cum omnibus pertinenciis suis remaneat quitum et liberum semper episcopo auriense ab omni impedimento sicut modo est. Et nos debemus defendere eos omnisque successores suos cum predicto casali et pertinenciis suis senper ad directum per omnia bona ecclesie auriensis. Et non liceat eis vel successoribus suis hereditates predicti casalis aut partem earum vel anniversarium super eis alicui loco religioso legare nisi episcopo auriensi si illud legare voluerint. Et post mortem eorum dictum casale et eius hereditates non dividantur nisi in duas personas vocis eorum et ita successive perpetuo observetur. Et si per impotenciam aut negligenciam cultura predictarum hereditatum omissa fuerit vel ea que superius continentur aut eorum aliqui non fuerint observata, ipso facto ipsi et omnes successores sui cadant omni iure quod in predictis casali et hereditatibus suis habent et licitum sit episcopo auriensi predictas hereditates auctoritate propria sine contradictione aliqua prout eas invenerit recipere et habere. Facta carta Aurie, pridie nonas marcii, era millessima cccª xlª. Regnante in Legione et Castella rege domino Fernando. Indeantato maiore domini regis in Gallecia infante domino Philipo. Testibus presentibus Petro Roderici canonico auriense (...) domini episcopi, domino Johane Petri priore Sancte Columbe (...).