GMH/ÍNDICE A-Z

85
1309, agosto, 20. Lugo
Rodrigo Afonso de Carballal recoñece que ocupa sen dereito diversas propiedades do Cabido.
 MADRID, AHN, Cód. 1042 B, fol. 50v.

Noverint universi quod ego Rodericus Alffonsi de Carvaliali, civis lucensis, confiteor et cognosco quod teneo a capitulo lucensis in vita mea et donne Marie uxoris mee, tantum domos et hereditates infrascriptas, videlicet unam domun qui est in angulo prope viam qui vadit de ecclesia ad Macellum, in qua consuevit morari Guilielmus Enrrici, et in qua modo moratur Fernandus Martini albergarius. Item medietatem minus octavam unius domus qui est in rua de Campo, iuxta Macellum, in qua modo moratur Martinus Iohannes mercator. Item duas domos in rua de Cruce iuxta domos primicerii, quod domus fuerunt Magistri Petri Alffonsi quondam canonici lucensis, et in una istarum domorum moratur modo Dominicus Petri, dicti de Valdeyras; et in alia Affonsus Dominici pelliparius. Item quasdam domos in rua de Burgo Novo, qui vocantur de franca carne, et iacent ex parte una inter domum qui fuit donni Iohannis Martini, dicti bispo, in qua modo moratur Laurentius Vitalis, et ex altera parte inter domum Petri Dominici de Bidurgos. Item unam cortinam in Avoyn qui dicitur de Camaralengo. Item unum casale vocatum de Lageam quod est in Santo Felice de Mugia. Item aliud casale in Barvayn quod vocatur de Ayra, qui duo casalia sunt sub aula Santi Felicis de Mugia. Confiteor etiam et cognosco nullum ius habere in domibus et hereditatis predictis nisi tantum in vita mea et dicte uxoris mee ratione capituli memorati; et si aliquid ius mihi pertinet vel pertinere debet in domibus et hereditatis predictis, aliqua ratione dicto iuri expresse renuncio nisi tamen in vita mea et prefata uxoris mee prout superius continetur. Et [...] hoc valeat in dubium revoca ri rogo Franciscus Lupi, publicum notarium lucensis, ut de promissis publicum conficiar instrumentum.

Actum Luci in domibus domini episcopi, XIIIe kalendas september, era Mª CCCª XLVIIª.

Presentibus: reverendo patre donno fratre Iohanne Dei gratia lucensis episcopo; Alfonso Petri de Carvaliali, Aria Pelagii et Alffonsso Petri, clericis cori lucensis; Nuno Fernandi, clerico, et Iohanne Fernandi, homine dicti episcopi; Dominico Petri dicto Algazil, homine domini Iohannes Iohannis, thesaurarii lucensis, et aliis pluribus.

Et ego Franciscus Lupi, publicus notarius lucensis, promissis omnibus interfui et ad preces dicti Roderici Alffonsi presens instrumentum manu propria scripsi et signum meum assuetum apposui in testimonium veritatis.

SIGNO