GMH/ÍNDICE A-Z

121
1165

Munio Proliz que fora maiordomo de Celanova, dóalle óabade Pelaio IV e ó citado mosteiro, un casal en Fofín, no lugar de Auterrou, para pagar as débedas que non satisfixera a Celanova.

TC, fols. 47v. - 48r.

Era tempore CC III.

Ego Munio Proliz cognomine Canus, facio plazum et kartam de mea hereditate quam habeo de comparadea in Fofin, vobis domno Pelagio abbati quarto et omnibus Cellenove fratribus, qui fui vester maiorinus et non persolvi vobis vestrum debitum. Proinde do vobis unum kasalem in supradicto Fofin vocatum Auterrou // cum omnibus suis iuris et locis et terminis antiquis, in monte et in valle, pro centum brachalibus que debebare vobis de vestra terra, et non potui persolvere de ipso debito modo aput me nichil remaneat indebitum. Tali pacto do vobis ipsam hereditatem ut habeatis vos eam et vestrum monasterium iure perhenni. Si autem, quod fieri non credo, aliquis ex nostra parte filius vel propinquis aut quislibet ex mea progenie, hoc plazum infringere temptaverit pariat vobis in duplo ipsam hereditatem, et insuper componat regiam vocem et cum Datan et Abiron infernales in perpetuum luat penas.

Ego Munio Proliz, una cum filiis meis, hanc kartulam manibus nostris roboramus. Imperante in Yspaniensi regno rege Fernando. Tenente Limiam comite Alvaro. Presidente in Auriense sede Petro Sequiniz episcopo. In Cellenovensi kathedra Pelagio abbate quarto.

Pro testibus: Petrus. Arias. Menendus.

Qui presentes fuerunt: Didacus prior. Iohannis Ferro prepositus. Veremudus Petriz. Petrus Sanoiniz. Alvarus Infanzoni, omnes confirmantes.

Gundisalvus monacus notuit.