GMH/ÍNDICE A-Z

127
1164

Sancha Fernández dóalle, pro anima, ó mosteiro de Celanova unha herdade en Santa María de Torán. No caso de que se incumprira este acordo, a propia Sancha indica que se lle entrega a Celanova un casar no lugar de Covelo.

TC, fol. 49r.

In Dei nomine. Ego Sancia Fernandiz facio kartam et testamentum monasterio Cellenove et vobis domno Pelagio abbati et monachis ibi morantibus pro remedio anime mee de hereditate mea propria quam habeo de parte meorum avorum, et quam cambiavi cum germana mea Orracha Fernandiz, et ipsa cambiavit eam cum germano suo Velasco Fernandiz. Do vobis omnem illam meam hereditatem quam ego habeo in villa de Toeran iuxtam eclesiam sancte Marie cum omnibus suis prestantiis, per ubi illam potueritis invenire et ad prestitum hominis est. Si forte filii mei, quod fieri non credo, istam hereditatem quam ego pro anima mea do accipere voluerint accipiat monasterium Cellenove et abbas ipsius monasterii unum casarem de Covelo ubi moratur Menendus Muniz, et teneat illum monasterium Cellenove et possideat. Quisquis hoc factum meum fregerit vel irruperit, sit maledictus et cum Datan et Abiron infernales luat penas.

Facta kartula testamenti Era M CC II.

Ego Sanchia Fernandiz uxor Monionis Adefonsi qui ibi monachalem abitum simul cum vita sumpsit in hanc kartam manus meas roboro.

Qui presentes fuerunt et viderunt: Menendus. Petrus. Martinus.

Pro testibus: Velascus ts. Rodericus ts. Garsia ts.1

Gundisalvus monacus notuit.

1 As tres abreviaturas de ts., detrás da última das testemuñas.