GMH/ÍNDICE A-Z

524
1006
Citi e súas irmás véndenlle ó prepósito Cresconio parte da súa herdade en Santiago de Amoroce.
TC, fol. 179v.
In Dei nomine. Ego Citi et iermanas meas Kilitru, Egilo, vobis domno Cresconio preposito et confesso. Obinde placuit nobis bone pacis et volumtas nullius quogentis imperio nec suadentis articulo, sed propria nobis accessit volumtas, ut vobis iam supranominato domno Cresconio facimus vobis cartula vendicionis de nostra hereditate quos habuimus de avios nostros Vimaredo et Lico. De ipsa villa de Lico concedimus vobis inde VIIIª integra, et de illo agro centeriale sic octava integra; casare de Mukicime et casare de Mondino concedo vobis octava integra. Et iacet ipsa hereditate in loco predicto villa qua nuncupant Ameroz, subtus monte Leporario iusta vocabulo sancti Iacobi. Concedimus vobis in ipsa hereditate vineis, terris, pomiferis, et omnium frondium arbusculis, petras mobiles vel inmobiles, aquis aquarum cum eductibus suis, exitus montium, accessu vel regressu, vel quantum ad prestitum hominis est in ipsa hereditate per omnes suis terminis antiquis; et accepimus de vos precio in panem et vino in modios VII, que nobis bene complacuit, et de ipso precio apud nos nichil remansit indebitum. Ita ut de hodie die et tempore sit ipsa hereditate de iuri nostro abrasa et in vestro iure et dominio sit tradita atque confirmata, et vobis perpetim habitura. Si quis tamen, quod fieri non credimus, aliquis homo contra hanc cartula vendicionis ad inrumpendum venerit vel venerimus, que in iudicio iudicare non valuerimus, tunc habeatis licentiam adprehendere de nos ipsa hereditate duplata vel quantum ad vos fuerit meliorata.

Facta cartula vendicionis Era XLIIIIª post Milesima.

Citi, Kinlinttum, Egilo, in hanc cartula vendicionis manus nostras roboravimus (signum).

Qui presentes fuerunt: Anulfo, Egica, Trasoi, Ruderico.