GMH/ÍNDICE A-Z

Referencias da busca neste documento para: Os documentos do Tombo de Toxos Outos

292
1140/05/06. Santiago de Compostela.
Ledengunda Afonso cos seus fillos e fillas véndenlle ó mosteiro de Toxos Outos as súas porcións nunha casa no Ciquelo, en Santiago de Compostela, na vila de Reboredo, en S. Salvador de Bastavales, e nas vilas de Sar e Deira, en S. Vicenzo de Cespón, por un bo cabalo estimado en catro marcas de prata.

B.- Tombo, ff. 93v-94r.

Carta de domo de Ciquielo et de hereditate de Rouoredo in terra de Amaia in Bastauales et in villis de Saa et de Deeyra in terra de Pestomarchos in filigresia Sancti Vincencii de Sespoon.

Ad hoc scripta fiunt ut que ueritatis, et cetera. Quod circa ego Lehegunda Adefonsit cum filiis et filiabus meis et omnis uox mea vobis abbati domno Petro monasterii Sanctorum Justi et Pastoris et monachis eiusdem loci tam presentibus quam secuturis et omni uoci uestre pro huius seriei paginam in presenciarum spontanea mente et prouido consensu facio cartam uendicionis et textum scripture firmitatis de porcionibus meis domorum et hereditatum quas habeo et habere debeo ex mea auolencia similiter ex mea ganancia, scilicet de domo que est in urbe compostellana loco certo super illum Çiquiellum penes, domos et solia que fuerunt domni Didaci archiepiscopus coram furno quod de Aras Didaz, ca-//-nonico; vendo vobis quicquid ibi habeo et habere debeo de parte genitricis mei domni Adefonsi et de mea ganancia et de matre mea; et similiter vendo uobis tam de auolencia quomodo de ganancia totam meam directuram de hereditate uocitata Rouoredo que est in illa Amaia territorio in Ameia erga aulam Sancti Saluatoris de Bastauales in casale Roboredo quod habemus cum Pelagio Fernandit, canonico Sancti Iacobi, que est porcio seruata de tota ipsa hereditate cum omnibus bonis suis appendicis et casalibus uel plantatis et omni edificio suo octaua integra. Et in territorio Pistomarchos erga aulam Sancti Vincencii de Sespaone vendo uobis et dono ab integro porcionem meam integram tam de auolencia quomodo de ganancia in uillas et hereditatibus Saa et Danaria quicquid in eas habeo uel habere debeo cum omni sua directura quomodo mihi competit inter meos fratres et heredes. Quas porciones tam domus Sancti Jacobi Compostelle quomodo et de illis uillis tribus quantas ibi habemus ab omni integritate simul damus et uobis uendimus pro precio quod est vnum equum bonum de marchis quatuor argenti et quod nobis satis ad libitum complacuit et de precio apud uos non remansit quicquam indebito ad soluendum. Habeatis itaque omnes porciones meas de predictis villis et domo, possideatis et de eis omne uelle uestrum faciatis euo perhenni seculo, amen. Et si aliquis propincus uel extraneus quod absit tam ego quam filius seu cuiuscumque condicionis homo contra hoc nostrum spontaneum factum ad irrumpendum uenerim uel uenerit pariat uel pariam uobis et uoci uestre in duplo uel triplo et insuper solidos D; et hoc scriptum semper maneat firmum.

Facta carta uendicionis die IIo nonas maii, era Ia Ca LXXa VIIIa.

Ego predicta Lehegunda Adefonsiz cum omni prole filiorum meorum et omnis uox mea in hac kartula vendicionis manus meas.

Q. p. f.: Petrus, ts. Pelagius, ts. Johannes, ts. Arias, ts. Didacus, ts.

Fernandus, clericus Loci Sancti, qui notuit et conf. (Monogramma: FRNS).