GMH/ÍNDICE A-Z

Referencias da busca neste documento para: Os documentos do Tombo de Toxos Outos

435
1168/03/07.
O presbítero Diego Gosendiz, quen entra como monxe no mosteiro de Toxos
Outos, dóalle varias propiedades ó cenobio.

B.- Tombo, ff. 124v-125r.

Testamentum Didaci Gusendiz, presbiteri, de hereditate sua de Neeronio in Villar et in Ponte de Busto (...) in terra de Luania (...).

Era Ia CCa VIa et quotum nonas marcii. Quicquid ratum et incursum permanere in seculis uolumus, et cetera, huius rei profectu ego Didacus Gusendit et clientulo meo Petro Didaci diu<i>na inspiratione prouentus seculo renuncians et religionis habitum et monachali in monasterio Sancti Justi suscipiens, mando ibi mecum testamentum faciendum scripturis et firmitatis paginam totam meam hereditatem de Neeronio tam de auolencia quam de ganancia nominata hereditate de // Villar et de Ponte de Busto et aliam meam hereditatem in ipsa terra de Luania ubicumque inueniri potuerit; et hereditatem de Sautu in casal de Frumarigu et in casal de Cuseyro cum suis aliis hereditatibus quos habent isti casales foris, scilicet sub Castro et in Dunin et in Ueerunu et in Luania; et terciam porcionem de ecclesia Sancti Mametis de Ruis; et hereditatem meam de Furielus qui iacet in pignore pro VI solidis, et persolui iam ego inde solidum I. De omnibus istis hereditatibus facio ego testamentum ad Sanctum Justum, scilicet de porcione mea integra tam de auolencia quam de ganancia; sed sciendum quod de illis hereditatibus que sunt de patre meo fiunt VII partes propter VII filios eius quorum vnus ego, et ganaui ego porciones de Pelagio Gusindiz; alia soror mea fugiit de terra tollens secum sagiam unam uiadam de uicina sua pro qua dedi ego solidos III, et remansit porcio eius de istis hereditatibus in manu mea, igitur si illa redierit uel semen eius surrexerit recipiant hereditatem suam sin autem habeat eam Sanctus Iustus; de sorore mea Maria Gusendi teneo in pignore duas VII pro solidos X, et quando redierint ad Sanctum Iustum solidos X libera habeat hereditatem suam, sed iterum monasterium habeat. Sciendum etiam quod ego uendidi in Ruueyru mea hereditate et fratrum meorum pro Ve solidis et redemi aliam de pignore pro VII solidis; itaque si fratres mei porcionem suam de illis V solidis requisierint de istis VII porcionem suam persoluant. Similiter ego et germana mea Marina Gusendiz uendidimus nostras porciones et de illa germana nostra supradicta que fugiit pro X solidis in Ninaes, que si redierit habeat sibi pro porcione sua illos III solidos quos ego pacaui pro tunica quam ipsa tulit. Totas istas hereditates mando et concedo et testor ad Sanctum Justum pro remedio anime mee et parentum meorum; habeat eas ipsum monasterium iure hereditario imperpetuum. Et si aliquis de parte mea uel de extranea istud meum testamentum uiolare uoluerit sit maledictus et excomunicatus et cum Tatam (sic) et Abiron sit in inferno et regie potestati persoluat D solidos; et hoc meum factum semper maneat in suo robore.

Ego Didacus predictus in hoc testamento manus meas.

Q. p. f.: Petrus, ts. Johannes, ts. Pelagius, ts. Fernandus Cresconii, presbiter, conf. Pelagius, monachus, conf.