GMH/ÍNDICE A-Z

57
1306, xullo, 20
venda

Un fillo de Paio Pixota véndelle ao mestre Xoán de Solbeira unha viña, foreira de medio, por 1000 mrs.


ACOu, Bispo, 105

Notum sit omnibus per hoc scriptum perpetuo valiturum quod ego J(...) civis auriensis morator in Corrucorio, filius quondam Pelaii Pixota, presen(...) mea Maiore Martini et concedente, vendo vobis magistro Iohani (...) canonico auriensi quondam vineam quam habeo in termino auriense loco (...) Mollone, qua vinea iacet ex una parte inter vineam archidiaconi domini (...) et vineam Domenici Cougille et intestat in carrario quod ducit de Mollon ad vineas inferius et ex altera parte iacet inter vineam cappelle Domenici Cipriani et vineam Therasie Pelaii et vineam suppradicti dicti archidiaconi. Vendo vobis dictam vineam de foro de medio sucepsioni archidiaconi domini Petri Fafini quam vos tenetis et liberam ab omni alio impedimento ut vos et omnis vox vestra habeatis eam ex nunc iure hereditario in perpetuo possidendam, et de ea faciatis quicquid vestre placuerit voluntati, servato iure ecclesie auriensis et consuetudine civitatis. Totum enim precium quod michi et vobis complacuit, videlicet mille morabitinis monete domini regis Fernandi de que computantur xvi par pro tribus morabetinis confiteor me a vobis plenarie recipisse in pecunia numerata. Omne ius, dominium, possesionem et proprietatem quod habeo in dicta vinea a me ex nunc removeo et per tradicionem istius carte qua inde vobis mando fieri in vestram transfero potestatem. Et obligo me et omnia bona mea tam habita quam habenda senper vos totanque vocem vestram cum dicta vendicione defendere ad directum. Siquis igitur contra hanc meam vendicionem in aliquo venire temptaverit habeat iram dei omnipotentis et meam malediccionem incurrat et quicquid inde pecierit vel invaserit vobis vel voci vestre in duplum restituat et voci regie centum morabetinos bone monete de pena persolvat, carta ista nichilominus suo robore permanente. Regnante in Legione et Castella rege domino Fernando. Tenente Limiam infante domino Philipo. Episcopo auriense domino Petro. Facta carta Aurie, xiiiº kalendas augusti, era mª cccª xlª iiiiª. Presentibus Petro de Beyro, Alfonso Laurentii, Domenico Petri clericis chori, Johane (...) dicto Tinto, Martino Petri servente dicti magistri Iohanis.

Et (ego Bartholomeus) Petri thesaurario auriense eiusdemque civitatis (...) rogato premissis interfui et in mea presencia (...) meum apposui in testimonium (...).

(signum)

[reverso] Carta de Molon.