GMH/ÍNDICE A-Z

249
941/ 08 / 11 [1065]
O rei Ramiro II concédelle ó bispo Rosendo e ó mosteiro de Celanova, varias villae e igrexas para que sirvan para o sustento dos monxes.
TC, fols. 89v. - 90r.1
Salvator omnium et redemptori cuius sanguine pretioso se mundus congaudet redemptus, quem omnigena rerum sibi suum conlaudat Dominum unum, qui regna celum terram regesque potestas, qui humilibus nunc et in evo gratiam dare promittis, qui superbis rigore librato resistis ac eorum superbie ducem censura regia portas, qui humanum genus quottidie nasci ad lucem vel iterum reverti in cacumem mandas, qui omnium te deprecantium ut pius pater exaudibilem prestas auditum. Suscipe queso precem tui licet indigni famuli Ranimiri tuo munere regali sede indeptus et ea que tibi servientibus et iuste nomen tuum invocantibus dare decerno tamquam tibi ipso dando gratiam presta, quod actio pavidi miteremur offerre, nisi tuis roboraremur alloquis, qui dixisti quamdiu aliquis de minoribus meis feceritis mihi facitis. Etenim nulli ambiguum est, clementie nostre consuens pontifex Rudesindus episcopus construit monasterium quod vocitant Cellanova atque in eum monachorum congregationem degere fecit regulis patrum normam tenentes / quod de petitione eius faventes, et nobis in celestibus lucro providentes dum ab hac luce extiterimus vocata, concedimus ipso monasterio vel pro eorum stipendiis qui ibidem in vita sancta perseveraverint qualiter eorum suffragio salvari mereamur in die mala. Id est damus et confirmamus ibidem villas in ripa Minei Fegio cum suos vicos arenti et castello cum suis piscarias vel omnes in giro terminos, sive et alia quam inquiunt Petragio ab integro per suos in omni giro terminos subtus oppido Litorie existente. Adicimus etiam sic in ripa Minei villam quam inquiunt Porto Abbati simul et ipsum portum, nec non et eclesias quas vocabulas sunt sancta Maria cum villa Berreto, sancta Eogania et sanctum Martinum et sanctum Andre. Alias Sanctum Romanum, Sancta Marina in Envolati sancto Iacobo in Laureto, iterum sanctum Martinum in Portum Titi. Omnes has eclesias vel villas per omnes suos antiquissimos terminos secundum eas prehendit senior abbas de stirpe cuncta post partem Dei et predicti monasterii, ab omni integritate concedimus ex presenti die et tempore, quod si hunc testamentum damus et confirmamus et maiestatem Domini in medium statuimus quod numquam contra hanc testationem ad infringendum venire temptemus. Si quis sane ex successionibus nostris vel cuiuslibet alicuius persona potentior aut inferior hunc factum nostrum infringere quiverit quicumque ille fuerit sit excomunicatus et perpetua confusione multatus in conspectu Dei patris omnipotentis et sanctorum angelorum, apostolorum et martirum eius et insuper cum Iuda Domini proditore uno conturbernietur in loco in tenebris exterioribus et caligosis. Atque pariet tantum et aliud tantum quantum infringere quiverit. Et hec scriptura plenam abeat firmitatem.

Facta series testamenti die III idus Augusti. Era D CCCC LXXVIIII.

Ranimirus nutu divino Rex hoc robore cfr (signum). Hurracha regina cfr (signum). Hordonius prolis regis cfr (signum). Sanctius prolis [regis].

(1ª columna:) Sub Christi nomine Oveccus ovetensis episcopus (signum).- Sub Christi nomine Hermegildus Dei gratia episcopus (signum).- Sub Christi Fronimius episcopus (signum).- Sub Christi nomine Oveccus episcopus (signum).- Sub Christi nomine Salomon episcopus (signum).- Sub Christi nomine Dulcidius episcopus (signum).

Hermegildus maiordomus. Fortes Iustizi. Pilotti filius Gibuldi. Didacus Adulfi. Domno Vimaraz. Teodila Gutiniz. Leovegildus Merreliz. Suarius Guttierriz.

Hordonius prolis domni Adefonsi regis. Hordonius serenissimus princeps hanc concessionem a genitore actam confirmo (signum).

Scientes vos facimus domnos nostros qui post nos veneritis in isto loco sciatis quomodo saccamus de isto testamento eclesiam quam iam deserta et erema XXXVII annos, et cambiamus illam cum fratres de Palumbario pro alia villa in Laonia, et hereditates bonas et obtimas.

In ista era C III [post Millesima].1 Regnante Frenando rege et Sanctia regina.

1. Outra copia nos folios 79r.-79v.; cfr. Doc. 219.