GMH/ÍNDICE A-Z

100
1314, xullo, 9
pan style="font-weight: bold;">foropan>

O cabido afóralles a perpetuidade a Xoán Iáñez, capelán de Santa María de Sobrado, e a Xoán Míguez dúas leiras de monte no lugar de Porriño, termo de Trella, por cuarta en vida e logo terza, coa condición de poñelas en cultivo.



ACOu, pan style="font-style: italic;">Escrituraspan> VIII, 163

Noverint universi quod nos Gundisalvus Nunni decanus et capitulum auriense damus vobis Johani Iohani cappellano Sancte Marie de Superato et Johani Michaelis ipsius loci ad forum perpetuo duas leyras de monte quas habemus in termino de Trella loco vocato Porrinno cum omnibus iuribus et pertinenciis suis ut erradicetis totum montem qui in dictis leyris stat ab era istius carte usque ad duodecim annos proximo venturos in omnibus locis qui apti fuerint ad habendum panem et vinum secundum quod visum fuerit duobus de capitulo et excolatis et paretis bene dictas leyras senper ita quod non defficiant per culturam et detis inde nobis in vita vestra in salvo quartam partem de omni fructu ex dictis leyris provenienti, videlicet panem in area et vinum in torculari. Et ad mortem vestram successores vestri dabunt terciam partem de omni fructu exinde provenienti similiter. Et non intrabitis ad colligendos fructus nisi per hominem nostrum cui debetis providere in cibo et potu competenter dum fructus colligeritis. Et iste leyre nunquam dividantur sez senper remaneant in duabus perssonis tantum et non in pluribus. Et si vendere vel obligare volueritus dictas leyras vel partem earum vendatis vel obligetis primo capitulo vel alicui de capitulo qui si noluerint eas emere vel obligatas recipere tunc vendatis vel obligetis eas tali persone que teneatur ad omnia supradicta, dum modo non sit miles nec domina nec religiosa perssona nec servus nec maiordomus alicuius potentis viri vel domine nec sit vicinus nec morator alicuius burgi vel castri seu civitatis aurensis. Et non possitis eas legare nec anniversarium super eis ponere alicui ecclesie nec ecclesie beati Martini auriensis. Et si per impotenciam vel negligenciam cultura dictarum leyrarum omissa fuerit vel aliqua ex hiis que superius sunt comprehenssa non fuerint observata licitum sit capitulo monitione prehabita dictas leyras auctoritate propria prout ipsas invenerit recipere et habere sine contradictione aliqua. Et si contentio super aliquo inter vos et capitulum vel successores vestros orta fuerit, per duos de capitulo terminetur, omni appellacione cessante. Et ad hoc sit complendum predictus Johanes Iohani et Johanes Michaelis pro se et successoribus suis obligant se et omnia bona sua tam habita quam habenda. Et capitulum debet deffendere eos ad directum cum predictis leyris. Actum fuit hoc Aurie, viiii die menssis julii, era mª cccª liiª. Presentibus testibus Fernando Petri porcionario, Laurentio Petri eiusdem fratre, Roderico Velasci et Johane Martini cappellano Petri Alffonsi canonici, clericis cori.

Et me Bartholomeo Petri cantore et cancellario civitatis auriensis adhibito et rogato premissis omnibus interfui et in mei presencia scribi feci signumque meum quod tale est apposui in testimonium veritatis.

(signum)