GMH/ÍNDICE A-Z

490
992/ 11 / 29
Ikila Fafilaniz, coa súa muller e fillos, fanlle ó epíscopo Pelaio e ó prepósito Gutier, unha carta de incomuniación sobre a súa herdade de Quindilanes, no territorio de Bubal. Esta propiedade será traballada polos doadores e a súa descendencia, a cambio do pago dun canon anual.
TC, fol. 171r.

KARTA DE GUANDILANES RIPA MINEI.

In Dei nomine. Ego Ikila Fafilaniz et uxor mea Ocorabia et filiis nostris vobis patri domno Pelagio episcopo et domno Guttier prepositus monasterii Cellenove et omnes fratres degentium salutem. Annuit enim nobis propria et spontanea nostra volumtas nullius quogentis imperio neque suadentis articulo sed propria nobis accessit volumtas ut faceremus kartula incommuniationis, post partem iamfati monasterii Cellenove, sicut et facimus de omnem nostram hereditatem medietate integra inde vobis concedimus tam de avorum nostrorum etiam et de parentorum nostrorum, vel quantum ganavimus vel fundavimus vel ganare potuero et fundare, ut in vita mea per singulis annis do vobis ad area et ad lagare de vino medietate et de pane quarta, et si dediritis mihi populatura et bove sic demus vobis de pane medietate, in domos, vineis, terris, pomiferis, pratis, pascuis, paludibus, montes, aquis, exitus montium, accessu vel regressu per omnes antiquiores terminos, utensilia, casas, torculares, ita ut dicimus quod desursum resonat medietatem de ipsas hereditates vobis concedimus. Et illa medietate teneamus illa nos et filiis nostris vel neptis qui de nos nati sunt vel fuerint, et demus vobis ad area et ad lagare quod desursum resonat, et teneamus ipsas hereditas quantas in nostro iure sunt vel ganare potuerimus, in nostro iure post vestra parte et nostra tam nos tam et filiis nostris et non habeamus licitum vendere nec donare nec inmodice. Et est ipsa hereditas et ipsas villas territorio [Buvalo] (...)1 vocabulo villa Quindilanes inter (...)2 et Aduniadi et alia quod nuncupant Custodia. Ita ut hab hodierno die et deinceps sit ipsa hereditate de iuri nostro abrasa et iuri vestro et monasterii confirmata, facite exinde quicquic agere vel iudicare volueritis liberam, a Domino accipiatis potestatem. Si quis sane quod fieri non credimus aut de qualibet parte venerit aliquis homo quod nos vobis proad iudicio vindigare non valuerimus, aud de ipsa hereditas in alia parte extraniaverimus, sic de illa nostra medietate quomodo et de illa vestra tam nos quam et filiis nostris vel neptis, qui talia ausus fuerit conmittere careat ipsa hereditate post parte monasterii Cellenove ab integro, et ad domno qui ipso iudicaverit monasterio inde soldos CCC.

Facta cartula incommuniationis notum diem IIIº kalendas Decembris. Era M XXX.

Ikila Fafilaniz cum coniuge sua Ocorabia et filiis suis manus nostras roborem iniecimus.

Qui presentes fuerunt: Guntemiro ts. Gundisalvo ts. Genenetivo ts. Gondres ts. Abdella ts. Oduario ts.

1 Espacio borroso; +-16.

2 +- 9.