GMH/ÍNDICE A-Z

B 16

1432, marzo, 8. Roma.
Traslado, realizado o ano 1532, dunha bula do papa Eugenio IV (1431-1447) arredor dos oficiais da Santa Sé e inhibición dos ordinarios e os seus comisarios e delegados.
B, perg., con diversas sinaturas, deteriorado no seu extremo dereito (por estar recubrindo documentación posterior), de 335 x 490 mm. Letra itálica, sumamente diminuta.

Eugenius episcopus seruus seruorum Dei ad perpetuam rei memoriam. Diuina in eminenti Sedis apostolice speculo disponente clementia constituti ad ea libenter intendimus per que officiales predicte Sedis obsequiis eius(?) / ad quam veluti fidelium omnium matrem pro animarum salute querenda est justicia et prosequenda de diuersis mundi partibus confluit multitudo continuo et quietius se promptiorem valeat exhibere hinc est quod Nos ex certis racionalibus causis moti et nonnullorum predecessorum nostrorum vestigiis inherentes [...8] / inhibemus locorum ordinariis necnon comissariis et delegatis eorum ceterisque vniuersis et singulis quacunque potestate et auctoritate prefulgeant cuiuscunque dignitatis gradus preeminencie fuerint ne contra officiales prefatos quocunque nomine nuncupentur in nostris et dicte Sedis obsequiis nunc et pro / tempore existentes necnon quoscunque alios pro suis et aliorum causis vel negociis prosequentes ad Sedem predictam venientes ac in ea diu anni(?) negociorum et causarum huiusmodi prosecutione moram trahentes et recedentes ab eadem procedere aut in eos excommunionis suspensionis vel interdicti aut priuacionem officiorum aut benefi/ciorum seu quauis alia sentencia promulgare presumant Nos enim omnes et singulos processus et sentencias contra tenorem et mentem nostre inhibicionis huiusmodi latas et habitas et in posterum habendas ac etiam promulgandas et quecunque inde secute declaramus nulla irrita et inania nulliusque / extitisse vel extitere roboris et momenti necnon quicquid in contrarium a quocunque quauis auctoritte scienter uel ignoranter actentatum forsam est et hactenus uel in posterum contigerit actemptari etiam decernimus irritum et inane et nichilominus(?) in omnes et singulos ordinarios et officiales comi/ssarios et delegatos omnes qui se de dignitatibus ac beneficiis ecclesiasticis quibuscunque officialium aut negocia huiusmodi apud dictam Sedem prosequentes predictorum eos illos forsam priuando atque priuatos decernendo seu declarando et cuiuscunque priuacionis pretextu illa personis aliis conferendo seu / de illis in eos quomodolibet intromittendo tan in dantes quam in recipientes excommunionis suspensionis et interdicti latas sentencias promulgamus quas volumus eis ipso facto incurrere a qua quidem excomunicationis sentencia absolui nequeant preterquam a Nobis vel per Nos depuntandos preterquam in [..10] culo consituto premissa autem a die afixionis presencium ad valuas basilice principis apostolorum de Vrbe ex certa sentencia quoscunque ligari volumus et uitari non obstantibus apostolicis et quibuscunque generalibus et particularibus aut synodalibus conciliis editis constitucionibus et ordinacionibus / priuilegiis eciam si de illis eorunque totis tenoribus effectus huiusmodi habenda foret in presentibus mencio specialis et que presentibus haberi vollumus pro sufficienter expressis ceterisque contrariis quibuscunque. Nulli ergo omnino homini liceat hanc paginam nostram inhibicionis declaracionis [...8] / et voluntatis infringere vel ei ausu temerario contraire. Si quis autem hoc actemptare presumpserit indignacionem omnipotentis Dei et beatorum Petri et Pauli apostolorum eius se nouerit incursurum. Datum Rome apud sanctum Petrum anno incarnacionis Domini mille/simo quadringentesimo tricesismo secundo octauo idus marcii pontificatus sui (sic) anno secundo.