GMH/ÍNDICE A-Z

513
1211/05/01.

Don Fernando Raimúndez e a súa muller, dona María Sánchez, dóanlle ó mosteiro de Toxos Outos toda a herdade que gañaron a Pedro Pérez de Verduga na vila de Servia, en Sta. Eulalia de Vilacova, a cambio do cal reciben en prestimonio do mosteiro unha servicialía na vila de Agrelo durante a vida de ámbolos dous.

B.- Tombo, f. 142r.

Carta domni Fernandi Reymundi et de uxore sua domna Maria Sancii de hereditate sua de Ceruia.

In Dei nomine. Ego Fernandus Reymundi et uxor mea Maria Sancii et omnis uox nostra tibi domno Petro Munionis, monasterii Sancti Justi abbati, et omni conuentui eiusdem loci et omnibus successoribus uestris in Domino Deo eterno salutem, amen. Placuit nobis spontaneo quidem animo ut faceremus uobis cartam donacionis et scripturam firmitatis imperpetuum ualituram de tota illa nostra hereditate quam ganauimus in villa Ceruia de Petro Petri de Uerdua pro amatico; et iacet ipsa villa in territorio Luanie sub monte Culou juxta fluuium Traua et recurrit ad ecclesiam Sancte Eolalie de Villa Coua. Donamus uobis itaque predictam hereditatem iure perpetuo et integre concedimus quantum uidelicet in ipsa habet uel debet habere Petrus Petri de Virdua pro se et pro omnibus fratribus suis et quantam etiam ad uocem ipsius hereditatis pertinet intus uel foris per ubicumque illam potueritis inuenire per suos terminos et loca antiqua. Et uos datis proinde nobis in prestimonio tantum in uita nostra unam seruicialiam in villa Agrello, illam que fuit de Petro Infancion quam ipse uobis mandauit; et nos tenebimus illam tali condicione ut ad mortem bene populatam et liberam monasterio dimittamus, et insuper sciendum quod si ego ante uxorem meam uitam finiero monasterium intret in medietatem tam hereditatis quam populacionis, vxore mea Maria Sanchiz rema nente cum alia medietate et tenete illa tantum in vita sua et ad mortem bene populatam et liberam monasterio dimitente. Si uero econtra illa prius illa obierit ego tenebo sicut mihi condeditis istam hereditatem cum sua populacione integram tantum in vita mea, et ad mortem similiter bene populatam et liberam ab omni contrario monasterio dimittat. Decetero donamus uobis atque concedimus sicut iam diximus illam hereditatem de Ceruia, et cetera, et faciatis de illa secundum quod uestra uoluntas facere decreuerit. Et si aliquis ex parte mea uel extranea hanc cartam infringere uel super hoc nostro facto monasterium unquam inquietare presu<m>pserit sit maledictus et insuper pariat solidos D; carta semper in suo robore permanente.

Ego Fernandus Remundi et uxor mea Maria Sanchez in hac carta manus nostras roboramus.

Facta carta donacionis sub era Ia CCa XLa VIIIIa et quotum kalendas maii.

Q. p. f.: Martinus Falcum, miles, miles, ts. Petrus Amicus, miles, ts. Petrus Petri Lobarro, miles, ts. Domnus Johannes Tudini, prior eiusdem monasterii, conf.  Domnus Gundisaluus, monachus, conf. Johannes Anfonsus, monachus, conf.  Petrus de Corcuno, monachus, conf. Petrus Gascus, monachus, conf.

Petrus qui notuit per mandatum domni Petri abbatis et Fernandi Reimundi. (Signum).