GMH/ÍNDICE A-Z

20
10751075 / 12 / 16

A famula Dei Sarracina Leovegildi dóalle, con reserva de usufructo, ó mosteiro de Celanova e ó abade Pelaio, varias propiedades en diversas villae.

TC, fols. 12r. - 12v.

Sub nomine sancte et individue Trinitatis Pater et Filius atque Spiritus. Ecce adcliens et exigua famula Dei Sarracina Leovegildi, tibi pio ac redemptori meo salvator mundi qui me ex nichilo creasti, et in hoc // mundo egredere iussisti diem extremum nescire fecisti, et iterum ad te reverti quacumque ora volueris. Ideo Domine in honorem nominis tui sancti Salvatoris et sanctorum apostolorum vel martirum confessorum atque virginum, quorum reliquie sancte et venerande dignoscuntur in loco et aula Dei monasterii Cellenove, et vobis domno et patri Pelagio abbati et fratribus vestris ibidem commorantibus salutem vobis eveniat a Domino amen. Ecce ego Domine de quo tu michi pecculiare dare dignatus est offero atque concedo sepe dicto monasterio Cellenove pro remedio anime mee, villas meas proprias quas abeo de avorum et parentum meorum sive et de mea ganantia. Id sunt prenominatas, villam de Asperello integram, villam de Gallezi mediam. In Villar hereditatem de Ermesicilo cum adiuntionibus suis integram. In Grau hereditatem que fuit de domna Sendina integram. Alia hereditas ibi in Grau que fuit de Vimara Vitisiliz integram. In Villella hereditas quam ibi comparavi cum Odino Menendiz de meo ganado proprio de homines de Cellanova, et do eas pro remedio anime sue et nostre. Ita ut abeant inde servi Dei temporale subsidium et ego ante Deum premium inconvulsum. Servata tamem ratione dum vitam ego vixero, ut abeam eas pagadas in mea vita, et post obitum meum integras illibatasque permaneant monasterio sancto omnes has villas iam superius nominatas. Do atque concedo vobis eas cum cunctis adiuntionibus et prestationibus suis vel cum quantum in illas invenerint post obitum meum pro remedio anime mee. Ita ut ex presenti die et deinceps maneant ipsas hereditates de iuri nostro abrasas, et post parte ipsius monasterii sint translatas atque confirmatas evo perenni secula cuncta. Oro et deprecor te sancte pater eterne omnipotents Deus, ut per intercessionem omnium sanctorum tuorum ut hoc holocaustum nostrum ratum et placitum sit in oculis tuis. Et si quis Domine contra hunc factum meum quod ego pro peccatis meis gratanter offero Deo meo infringere presumpserit quisquis ille fuerit, propinquus vel extraneus, aut qualibet forma hominis, descendant super eum omnes maleditiones que scripte sunt in libro Moysi servi Dei excelsi, sed et perpetua confusione et ira Dei patris omnipotentis, et cum Iuda Domini traditore pari pena suscipiat in eterna damnatione, et pro temporali damno pariat ipsas villas duplatas vel triplatas restituat monasterio sancto, et post parte regis aut illi qui illam terram imperaverit aliut tantum quantum infringere conaverit. Et hec series testamenti inrevocabiliter plenam obtineat firmitatis roborem.

Facta paginola testamenti die videlicet XVIIº kalendas Ianuarias. Era M C XIII.

Ego Sarracina Leovegildiz in hanc seriem testamenti manu mea roborem inieci (signum), fuit istut testamentum roboratum hic in villa Gaudilanes.

Qui presentes fuerunt: Vimara ts. Fafila ts. Iohannis ts. Aloyto ts. Adaulfo ts.

Seniorinus notuit et signum fecit (signum) de Aragonti Zersana.