GMH/ÍNDICE A-Z

409
1233/09/—.

Martiño Muñiz véndelle ó mosteiro de Toxos Outos a súa herdade en Masedos, en Sta. María de Urdilde, por seis libras leonesas.

B.- Tombo, f. 120rv.

Carta de Masedos de Martino Muniz que fuit de Toda Martini et de viro suo.

In Dei nomine. Notum sit omnibus per hoc scriptum semper ualiturum quod ego Martinus Munioni facio cartam vendicionis imperpetuum ualituram vobis domno Johanne Tudinit, abbate monasterii Sancti Justi, et toto conuento eiusdem loci de tota mea hereditate quam habeo et habere debeo in Masedos, illa scilicet quam ego emi de Toda Martini et de suo marito Martino Roderici et quanta pertinet ex parte Martini Punzardi scilicet cum casis, et cetera, et cum omnibus aliis directuris et pertinenciis suis. Hanc hereditatem sic prenominatam vendo uobis cum omni iure et integritate sua pro VI libris legionensis denariorum bonorum quos nobis iam dedistis. Sit itaque hec predicta hereditas cum omni iure et integritate sua ab hac die in antea a iure meo remota et abrasa uestroque dominio data et confirmata ut habeatis liberam et quitam et potestatatem uendendi, donandi, faciendique ex ea quicquid uobis placuerit in vita et in morte. Siquis igitur ex parte mea uel extranea uel ego contra hanc cartam mee uendicionis uenerit uel uenero sit maledictus et excomunicatus et cum dampnatis in inferno dampnatus et uobis uel uocem huius carte pulsanti XII libras pectet et quod inquietauerit in tali loco duplatum uel triplatum reddat et careat uoce; et hec carta semper sit // firma.

Facta carta sub era Ma CC LXXI et mense septembrio. Regnante rege domno Fernando, et cetera.

Ego Martinus Munioni hanc cartam mee uendicionis quam uobis iussimus scribi roboramus et confirmamus et signa facimus.

Q. p. f.: Petrus Uiuiani, conf. Johannes Petri, canbiador, conf. MatheusAprili, conf. Domnus Ramundus, conf. Domnus Apparicius, conf. Martinus Dalfaya,  conf. Dominicus Romeo, conf. Johannes Franco, conf. Johannes Petri Uello, conf. Deos Aiuda, conf. Martin Sancii, conf. Domnus Arnal, conf. Johannes Petri, cambiador, conf. Petrus Uilielmi, conf. Ysidorus Petri, conf.

Dominicus Martini qui notuit. (Signum).