GMH/ÍNDICE A-Z

34

1249, abril, 6. Lugo.
Sentencia arbitrada polo bispo de Lugo, don Miguel, no litixio sostido, dunha parte, polo bispo de Mondoñedo don Xoán II Sebastianes (1248-1261), e, da outra, polo abade do mosteiro de Meira, don Emerico, sobre o castelo existente entre Guarda e Gueimonde.
A, perg. partido por A.B.C., que conserva cordóns dos que pendían os selos, de 345 x 415 mm. Letra semigótica.

In Dei gratia lucensis episcopus omnibus ad quos presens scriptum peruenerit salutem in Domino. Notum sit quod cum a tenpore creatoris domni Martini quondam mindoniensis episcopi inter ecclesiam mindoniensem et monasterium de Meyra / hinc inde super particularibus articulis mota fuisset materia questionis tandem de beneplacito partium compromissum [...3] in nos per domnum Iohannen secundum mindoniensem episcopum et eiusdem ecclesie capitulum et per domnum Hemiricum abbatem / de Meyra et eiusdem monasterii conuentum sub hac forma: Sub Era mª ccª lxxxviiª (a. 1249) et quotum viii idus aprilis. Nouerint uniuersi quod domnus Johannes Galuan magisterscolarum mindoniensis procurator magistri Johannis electi confirmati et / capituli mindoniensis pro mindoniensi ecclesia et eius nomine et domnus Hemiricus abbas de Meyra et Petrus Odoarii monachus et procurator monasterii de Meyra conpromiserunt in domnum Michaelem lucensem episcopum sub pena quingen/torum aureorum datis fideiussoribus ab utraque parte de pena huiusmodi videlicet domno Fernando Iohannis archidiacono de Abiancis domno Alfonso Petri archidiacono Salamantino et domno Iohanne Garsie archidiacono de Sarria ita quod qui/libet eorum teneatur in solidum super omnibus iniuriis et dapnis que a tempore creatoris domni Martini quondam mindoniensis episcopi illate et facta fuerunt hinc inde tan in possessionibus quam in rebus aliisque et personis promisserunt / autem sub pena predicta partes stare arbitrio mandato dicto siue amicabili compositioni prefati arbitri ita quod si altera partium arbitrio mandato dicto siue amicabili compositioni ipsius arbitri stare resilierit penam comittat / et arbitrium nichilominus firmum et stabile perseueret. Est etiam actum inter partes exprese quod bona fide de plano et sine strepitu iudicii ab utraque parte negocium uentiletur. Actum est etiam quod si altera partium in termino / ab arbitro assignato per contumatiam non affuerit uel alias contumax aparuerit ipse arbiter possit partem contumacem in expensis ligitimis condenpnare el nichilominuis altera parte per contumatiam absente procedat arbiter / in negocio prout uiderit expedire. Actum est insuper inter partes quod si in negocio difficultas aliqua uel dubietas iuris emerserit uel inciderit arbiter habeat consilium ubi et quonam et cum quo uel quibus uiderit expedire ita quod non / habeat consilium cum tali uel talibus quem uel quos pars uel partes nominuerint sibi esse suspectos. Debet autem arbitrium huiusmodi terminari infra proximum festum sancti Michaelis de septembrio quod si forte infra prescriptum / terminum arbitrarium non potuerit terminari arbiter debet et potest usque ad sequens festum Natalis Domini terminum prorogare. Actum est etiam quod si arbiter uno termino non potuerit super omnibus questionibus pronuntiare / liceat sibi de todo uel de parte uno uel diuisis temporibus diffinire. Nos uero accedentes personaliter ad castrum quod est inter Gardam et Gueymonde super quo precipue erat contentio inter partes ipsum locum et eius / circunstancias et terminos occulis propriis subicientes et habita deliberatione super hoc et super aliis super quibus erat contentio diligenti et habito peritorum consilio ita amicabili conponendo et ordinando pronun/ciamus videlicet quod predicti abbas et conuentus soluant septiengentos morabetinos predicto episcopo mindoniensi pro danpnis et iniuriis a parte monasterii ecclesie mindoniensi a tenpor poredicti domni Martini mindoniensis episcopi irrogatis. Item pronunciamus conponimus et ordinamus quod possessiones de quibus orta fuit contentio uel discordia inter prefatas ecclesias a tenpore sepe dicti domni Martini episcopi in eodem statu in quo erant tenpore lati arbitrii perpetuo / perseuerent ita quod secumdum quod tan ecclesia mindoniensis quam monasterium de Meira tenpore dicti arbitrii possdebant habeant et possideant perpetuo pacifice et quiete. De castro uero supradicto et eius terminis ita / amicabiliter ordinamus quod de hereditatibus circa dictum castrum adiacentibus quas monasterium supradictum a longis retro temporibus ut inuenimus possederat damus ecclesie mindoniensi pro bono pacis et concordie per signa / et terminos quos per nos et per bonos homines posuimus perpetuo possedendum videlicet per marcum positum circa riuulum de Custuaa quomodo ascendit directe ad marcum qui est positus in capite fontis iuxta uiam / publicam et deinde quomodo ascendit directum ad marcum qui est positus in medio porte castri et ex alia parte castri per marcos quos ibi posuimus quomodo uadit directe ad marcum quem posuimus iuxta ri/uulum fontis descendentis a monte Maiori quomodo descendit per ipsum riuulum usque ad portum de Lanuandeira. De castro uero predicto sic ordinamus quod habeatur et possideatur ab utraque parte proindiuiso ita tamen / quod neutra partium aliquo tenpore in predicto castro aliquid edificet uel laboret et sic generaliter pronunciamus quod omnes questiones que orte fuerunt a tenpore creatoris domni Martini quondam episcopi mindoniensis inter ecclesias supradictas / super danpnis et iniuriis rebus et possessionibus factis et illatis per penam in conpromisso appositam hinc inde perpetuo sint sopite. Ut autem hec positio seu ordinatio maioris firmitatis robur obtieneat / presens scriptum fecimus diuidi per alphabetum et ad maiorem etiam firmitatem illud fecimus sigilli nostri cum sigillo predictorum episcopi et capituli mindoniensis et abbatis de Meira munimine roborari et quia conuentus de Meira sigillum proprium non habet appositionem sigilli abbatis ratam habuit et acceptam. Qui presentes fuerunt domnus Iohannes espiscopus mindoniensis

(1ª col.):
Domnus Munio archidiaconus mindoniensis testis
Domnus Martinus Roderici lucensis decanus testis
Domnus Gometius Abbas de Oscos testis
(2ª col.):
Domnus Petrus Martini archidiaconus mindoniensis testis
Domnus Fernandus Iohannis archidiaconus lucensis testis
Domnus Petrus cellararius de Meira testis.
(3ª col.):
Domnus Petrus Michael cantor mindoniensis testis
Domnus Iohannes Garsie lucensis archidiaconus testis
Domnus Dominicus Iohannis prior de Meira testis
(4ª col.):
Domnus Uiuianus decanus mindoniensis testis
Iohannes Galuan magisterscolarum mindoniensis testis
Domnus Hemiricus abbas de Meira testis
Domnus Petrus Odoarii monachus de Meyra
(Parte inferior):
Et multi alii fuerunt ibi presentes tan ex parte ecclesie mindoniensis quan ex parte monasterii de Meyra
Petrus Didaci lucensis portionarius de consensu partium et de mandato domni Michaelis lucensis episcopo notauit.

(Reverso):
N. lvii. M. vii n. 61. Carta inter episcopum mindoniensem et abbatem conuentus de Meyra super hereditatibus de Garda.