GMH/ÍNDICE A-Z

Referencias da busca neste documento para: Documentos do arquivo da catedral de Ourense (1289-1399)

134
1318, xullo, 25
testemuño

Testemuño de Gonzalo Núñez, deán de Ourense e bispo electo de Lugo, polo que recoñece que recibiu do cabido e exerce no seu nome a xurisdición espiritual das igrexas de Aguiar e da Rabeda e a Terra do Vicariato (entre Miño e Arnoia).



ACOu, Escrituras XIV, 71

In nomine domini amen. (...) congregato capitulo ecclesie auriensis per pulsacionem campane prout mos est in maiori ecclesia auriense in loco ubi consuevit capitulum congregari, presente me notario et testibus infrascriptis ad hoc specialiter vocatis et rogatis, Gundisalvus Nuni canonicus ecclesie auriensis per se et nomine ipsius capituli presentavit et ostendit venerabili viro Garsie Martini canonico ac vicario generali reverendi patris ac domini Domini Gundisalvi dei gratia electi confirmati ecclesie auriensis adque coram eo per me notarium publicum rifecit quondam cartam scriptam in papiro apertam et sigillatam in dorso sigillo domini Gundisalvi Nuni decani aurensis ac electi in episcopum lucensem prout prima facie apparebat, cui carte tenor talis est:

Noverint universi quod ego Gundisalvus Nuni decanus auriensis ac electo in episcopum lucensem faceor et recognosco me recepisse a capitulo eiusdem ecclesie auriensis illam iurisdicionem in spiritualibus quam habet idem capitulum in ecclesiis de Aguyar et de Ravenda et de Inter Mineum et Arnoeam, et eam nomine suo et tanquam eius vicarius hactenus exercere, in cuius rei testimonium presentes litteras feci sigilli mei munimine conmuniri. Datum Aurie, xxvª die, mensis julii, era mª ccclviª.

Qua carta perlecta dictus Gundisalvus Nuni dixit quod cum dicta carta erat scripta in papiro et casu aliquo de facili rumperetur et littere sigilli de facili abolerentur et sic propter difficultatem te(...)nis caderet capitulum (...) suo et ideo nomine suo et ipsius capituli petis(...) rei memoriam et pro ipsius capituli cautela perpetua dictam cartam in pergameno transcribi et in publicam formam redigi de mandato, auctoritate et decreto eiusdem vicarii. Qua carta per eundem vicarium visa et mecum infrascripto notario diligenter inspecta quia ipsam invenit omni suspicione carere peticioni eiusdem Gundisalvi Nuni ut puta racionabili annuens mandavit mihi notario infrascripto ut eandem cartam de suo mandato adque decreto tanque iudicis ordinarii transcriberem diligenter et in publicam formam redigerem suam super hoc auctoritatem interponens adque decretum. Actum Aurie, xxviª (diem) mensis februarii, era mª ccclª viiiª. Presentibus testibus Fernando Petri cappellano Sancte Eufemie, Fernando Iohanis, Menendo Roderici, Petro Stephani clericis chori.

Et ego Michael Petri publicus notarius auriensis pro ecclesia eiusdem predicte carte tenorem prout in ipso originali inveni audi et legi ita h(...) ad instanciam et requisicionem dicti Gundisalvi Nuni ac de mandato, actoritate et decreto prefati vicarii transcripsi fideliter et in publicam formam redegi meoque signo consueto signavi.

(signum)