GMH/ÍNDICE A-Z

Referencias da busca neste documento para: Documentos do arquivo da catedral de Ourense (1289-1399)

23
1297, marzo, 13

testamento

Testamento de don Pedro Galván, arcediago de Limia.

 

ACOu, Escrituras XX, 118

(ed. M. B. Vaquero Díaz / F. J. Pérez Rodríguez, Colección documental del archivo de la Catedral de Ourense, II, 554-555, doc. 701)

 

In nomine domini amen. Sub era mª cccª xxxvª, iiiº idus marcii. Cum opinatu casu vitam hominis fragilis et caducam sit aliquando superveniat quod dapnosum anime et vituperosum corpori reputatur, idcirco ego Petrus Gualvan licet indignus archidiaconus auriensis in inffirmitate positus cum integritate tamen tocius sensus mei et mentis mee dispono de rebus meis et de eis condo huiusmodi testamentum. Inprimis ordino capelam pro anima mea, cui capelle lego quatuor millia morabitinos ad emendam posessiones ad opus ipsius capelle, quam capellam mando ordinari et provideri per dominum meum dominum Petrum episcopum auriense et per subcessores suos similiter subcessive, quam capelam relinquo in arbitrio prefhati episcopi seu subcessorum suorum ut eam confferant et adsinent alicui clerico ydoneo ecclesie auriensis qui serviat eidem ecclesie et celebret cotidie misam pro anima domini episcopi et mea ad altarem (Sancte) Cateline. Iten lego capitulo auriense casale meum de Sobrado cum omnibus directuris et pertinenciis (...) quod recepi ad forum a domino episcopo et vineas quas emi a Gonsalvo Iohanis cive auriense et ab uxore sua Taresia Fernandi in vila de Sobrado per que celebrent anniversarium pro anima mea annuatin in dia obiti mei. Iten quito et libero omnes illos qui de meis bonis racione maiordomatus tenuerunt, pertererunt, dexpenderunt ita quod nullos episcopos vel eorum quilibet decerto inpediat ullo modo. Et mando expediri Petro Pelagii servienti meo instrumentum quod tenet Alffonsus Petri notarius auriensis per quod eidem Petro Pelagii debet Pelagius Martini de Bancis mille morabitinos et hoc fiat sine alia revolupcione. Instituo mihi heredes in omnibus aliis bonis meis mobilibus et inmobilibus et rectores et conpletores huius mei testamenti dominum Martinum Petri archidiaconum et Petrum Roderici canonicum auriense qui conpleant illud per omnia bona mea sine dapno suo et faciant bonum alupnis et servientibus meis et pauperibus et in misis et in elemosinis pro anima mea prout melius et salubrius viderint expedire cum consensu et mandato domini mei episcopi supradicti que omnia relinquo in concienciis executorum meorum. Mando etiam et volo quod si aliquis contra hanc meam ultimam voluntatem venire presumpserit vel in aliquo hoc meum testamentum inpedire voluerit iram dei omnipotentis incurrat et voci regie c morabitinos bone monete solvere teneatur, presenti testamento nichilominus in suo robore permanente. Testes qui ad hac omnia vocati et rogati presentes fuerunt Bartolomeus Petri, Paulus Viviani porctionarii aurienses, frater Petrus monacus Ursarie, Alffonsus Roderici rector ecclesie de Maside, Nunus Fernandi armiger, Fernandus Petri, frater Alfonsi Petri notarii auriensis.

Et ego Stephanus Petri notarius auriensis de mandato Michaelis Iohanis canonici auriensis et eiusdem civitatis cancellarius hiis omnibus supradictis interffui et rogatus hoc testamentum manu propria scripsi signumque meum apposui in testimonium premissorum.

(signum)