GMH/ÍNDICE A-Z

Referencias da busca neste documento para: Documentos do arquivo da catedral de Ourense (1289-1399)

28
1297, xullo, 12

testamento

Testamento de Elvira Míguez.

 

ACOu, Escrituras XIV, 121

(ed. M. B. Vaquero Díaz / F. J. Pérez Rodríguez, Colección documental del archivo de la Catedral de Ourense, II, 559-561, doc. 706)

 

Hec sunt debita que ego Elvira Michaelis uxor Petri Fernandi dicti de Pam de Saxo Albo debeo: primo quingentos solidos cuidam homini que novit Petro Reymundi. Iten filiis Michaelis de Pedibus xxx solidos et unam archam et unum lectum. Iten Marie de Casali iiii solidos et medio. Iten capitulo auriense quadrigentos et triginta duos solidos.

Hec sunt debita que mihi dibentur: primo soror mea Sancia Petri quingentos solidos. Iten Johanes Fernandi filius Fernandi Petri de Barvadanes xxx solidos.

In nomine domini amen, era mª cccª xxxª vª, iiii idus julii, ego Elvira Michaelis gravi infirmitate constituta tamen compos mentis mee timens nec post mortem meam super bonis meis ortatur aliquibus occasio contendendi de eis ordino et condo huiusmodi testamentum: in primis lego animam meam domino meo Jhesu Cristo et gloriosissime virgini matri sue et eligo mihi sepulturam in cimiterio ecclesie Sancte Trinitatis, et lego mecum eidem ecclesie x solidos. Iten ecclesie Sancti Martini x solidos pro decimis nisi solutis. Iten Roderico Michaelis abbati meo xxx solidos. Iten Petro Martini cappellano xx solidos. Iten omnibus clericis qui mee interfuerint sepulture xx solidos. Iten omnibus lanpadibus civitatis auriensis que provisionem non habent singulos solidos. Iten lego in tribus terciis in quolibet x solidos in pane et unum crus vacinum et unum sextarium de vino. Iten mando deportari unam canpanam vi septimanas per civitatem auriensem. Iten lego i solidum in oblacione mea cotidie in pane et vino usque ad vi septimanas. Iten confrate Sancte Marie de Advetum x solidos. Iten lego Petro Reimundi civi auriensi avunclo meo in perpetuum vineas meas de Carvallaria cum omnibus iuribus, directuriis et pertinenciis suis et solvat mihi de renda annuatim sorori mee Sancie Petri octoginta et sex solidos et viii denarios monete albe que fuit facta in mediate post monetam nigram ad duos denarios pro i solido. Iten lego eidem Sancie Petri vineam meam de Pontella que iaz subtus viam publicam et unam cupam x modios capientem et unam archam magnam. Iten lego Fernando tendario consoprino meo meum ius quod ego habeo de vinea de Pontella que iaz super predictam viam publicam quam de me tenet Petrus Martini de Barvadanes et vineam meam de Baguoy tali condicione quod ipse habeat dictam vineam de Baguoy et ius quod ego habeo in vinea de Pontella in vita sua et post mortem eius remaneat Elvire sorori sue si supervisserit, sin autem remaneant ipsi Fernando tendario. Iten lego eidem Fernando tendario cupam meam vii modios et medio capientem. Iten Elvire supradicte pelotem unum et unum enfacium et unam paginam et unam archam parvam. Iten lego cappelle quam ordinavit soror mea Eufemea Petri duas leyras vinearum quas habeo in Papune et aliam leyram qua habeo in Valençiana. Iten lego sorori mea Sancie Petri alias duas leyras vinearum quas habeo in Papune pro integritate unius leyre vinee sue qua ego vendidi que iaz prope molendinos Johanis Carvallaria. Iten lego Elvire predicte unam colchiam et unum plumacium. Iten mando quod vendatur cellarium meum de vico Pomarii et eas alias voluntates quas habeo id debita et legata mea solvenda et quod me superfuerit detur cappellanis qui celebrent missas pro anima mea. Iten quito viro meo supradicto medietatem donacionis quas mihi dedit per (...) si forte voluerit inpedire aliam medietatem istius donacionis mando quod heres meus infrascriptus petat in (...). Et instituo heredem meam in omnibus aliis bonis meis rectorem et conpletorem huius mei testamenti et mee ultime voluntatis (...) Sanciam Petri sororem meam que solvat omnia debita et legata mea per bona mea sine dapno suo. Mando et volo quod si aliquis ex parte mea vel aliunde istud meum testamentum et meam ultimam voluntatem in aliquo infringere temptaverit iram dei omnipotentis habeat meam maledicionem et ipso facto amictat quicquid sibi in isto meo testamento est legatum et voci regie c morabetinos bone monete de pena solvere teneatur presente testamento nichilominus in suo robore permanente. Volo insuper et mando quod si hoc meum testamentum et meam ultimam voluntatem non valuerit ut testamentum valeat ut codicillus seu ut quilibet alia ultima voluntas manu publica conffecta coram testibus roborata. Testes qui ad hoc omnia vocati et rogati presentes fuerunt Petrus Laurencii notarius de Ripa Avie, Rodericus serviens illius, Fernandus Iohani pintor, Domenicus Martini dictus Murzelo, Domenicus Petri petrarius, Petrus Cortegada, Johanes Alvelo de vico Villaris, Johanes Fernandi filius Fernandi Petri de Barvadanes, Andreas Petri clericus episcopi, Gomecius Iohanis et Domenicus Martini servientes Bartholamei Petri canonici auriensis. Ego Bartholomeus Petri canonicus auriensis eiusdemque civitatis chancellarius premissis interffui et in mea presencia scribi feci signumque meum apposui in testimonium premissorum.

(signum)