GMH/ÍNDICE A-Z

458
1041/ 01 / 14

A condesa dona Toda faille unha doazón ó mosteiro de Celanova das súas villas nos territorios de Latrones, Ravaneda e Baroncelli, pola alma do seu marido soterrado neste mosteiro.

TC, fols. 157v. - 158v.

In nomine Dei et miseratoris filii eius Ihesu Christi, qui est in Trinitate unus et ineffabiliter super omnia, et ante omnia Deus benedictus et gloriosus, sic trinus et unus sic unus et trinus, ut per omnia omnium creator et verus operas Dominus qui extat pius et incomprehensibilis per omnia secula seculorum amen, sive et patronum nostrorum omnium apostolorum et martirum eorum sancte et venerande reliquie condite dinoscitur in loco et aula Dei monasterii Cellenove. Ecce ego cliens et exigua famula tua Deus, quondam Gundesalvi prolis filia non mei meriti sed tua misericordia freta ad te fontem beatitudinis vite curro meis mihi peccatis conscia, curro cum lacrimis horum peccatorum meorum deponere ab anime humeris suspirando cupio, licet indigna clamans et petens, ut parcas Domine parcas et cum misericordia misericorditer quem ex nichilo creasti, iudicare in extremo examine clementi vultu respicias, et antiquo hosti brachio fortitudinis et peccatis liberes et eripias, et animam meam hab hac luce, et proprio domicilio corporis separata in Habrahe sinu et beatitudinis patria transferans suscipias, et feliciter habitare permittas. Ideo Domine de quo tu mihi peculiare dare dignatus es, conffero dono atque concedo sepedictomonasterio Cellenove villas meas proprias quos habeo de parentela et avolengo seu etiam et alias de mea ganantia quem ganavi cum ille comite domno Ruderico. Id sunt prenominatas de parte genitore meo Gundesalvus Menendiz prolis Aragunti sive et de sua gan\an\tia. In territorio et continuo de Sancto Martino de Latrones, villa Sautello ab integro cum suas adiunctiones et medietate de villa que vocitant Palatios, sic cum adiunctionibus suis. Item et alia villa in territorio Lamas ab integro cum adiunctionibus suis. Laureto sic integro cum adiunctionibus suis, et in ripa de Tena alia villa que vocitant Arnoso, sic ab integro cum adiunctionibus suis. E\t\ de Sancta Maria de Tavolegia tercia integra, sic cum adiunctionibus suis. Item et alias villas in territorio in Ravaneta, inter fluvium Mineo et rivulo Arnogia, quos venit in portione ad mea matre domna Onega et dedit mihi illas in kasamento: id sunt Villa Plana media cum adiunctionibus suis. Et alia ibi que vocitant Sancto Petro de Mezquita, sic media cum adiunctionibus suis, et Vallanzana sic media cum adiunctionibus suis. Et in territorio et valle Baroncelli, Villaza media cum adiunctionibus suis, Anserici sic media cum adiunctionibus suis. Metarius media cum adiunctionibus suis, et in monte Negro quarta de villa que vocitant Duas Eclesias, sic cum adiunctionibus suis, et iterum tercia pagina de villas prenominatas de mea ganantia, que ganavi ego cum ille comite domno Ruderico. Id sunt in supradicto valle et territorio Baroncelli medietate de Tamaganos, que fuit de Gaudinas cum adiuntionibus suis. Et alia villa in Olimbria integra que fuit de magister Baldemirus, et alia ibi sic in Olimbria // qui fuit de Ariastre. Et in Keiruganes villa que fuit de Menendo medietate integra sic cum adiunctionibus suis. In Villarino iusta Villaza alia villa que fuit de Vimara medietate integra. Et in Sauto Vermudi ad sancto Petro villa que fuit de Lucado. Alia villa in Sancto Vincenzo que fuit de Suario Viliamondiz salto terroso cum suas adiunctiones. Omnes has villas que dicit de mea ganantia que ganavi cum ille comite domno Ruderigo, dabo illas pro anima sua et nostre remedium, ubi corpus suum tenet humatum, et fillavit sua filia domna Maiore de ista nostra ganantia in sua particione alias villas consimiles tales, et amplius meliores. Obinde ego indigna Tuda, ut dixi et repeto dabo atque concedo ipsas iamdictas villas sive de avolengo et parentelam quomodo et de ipsa mea ganantia sicut in hanc scriptura audistis suprataxatas, sic eas dono atque concedo ad supradicto monasterio Cellenove, et domus Domini Sancti Salvatoris, pro remedium anime nostre redemtionis et de viro meo domno Ruderico, sive et pro avorum animarum et genitorum meorum remedium, sicut lex docet in liber quartus et in titulus secundus sententia VIIIIªXª ubi dicit, Ut qui filios non relinquerit faciendi de rebus suis que voluerit habeat potestatem. Item et in liber quintus et titulus IIs, sententia quarta ubi dicit, De rebus extra dotem uxoris ad marito cumlatis quod si ex ipso coniugio filii non fuerint procreati quicquit mulier de rebus sibi donatus iuxta prescriptum ordinem testatoris facere degerit, liberam habeat potestatem. Et sententia VIIª ubi dicit, De rebus inter maritum et uxorem invicem datis. Ita ut duo vel tres testes ingenuis suscripte res vel signa figientes accedant, et sic volumtas ipsius habeat firmitatem. Obinde et ego iamdicta Tuda, Gundesalvi ducis filia, pro que testavi ego orbata, id est sine semen vel proles, facio de omnia mea sicut lex docet et mihi bene complacuit. Item et Dominus per prophetam canit dicens, Date et dabitur vobis, querite et invenietis pulsate et aperietur vobis. Et in alio loco dicit, Qui amat patrem aud matrem plus quam me non est me dignus. Et qui amat domus et possiones, aurum vel argentum et cetera non est me dignus. Ego talia audiente, fecit sicut mihi Dominus inspiravit concedo ipsas villas superius nominatas tam de avorum et parentela, quam etiam et illas de nostra ganantia per suos terminos et locis antiquiores ab omni integritate, sicut illas obtinuerunt avis et parentibus nostris seu et nostros venditores. Et usquemodo et prope cum domibus, opibus et omni prestationibus suis, et bonis quantum per suos terminos inconcludent omnia ab integro, concedimus Deo et sanctiseius atque fratribus in ipso monasterio iamfato, Deo servientibus et milicia spiritalis exercentibus atque pro eorum victum atque vestitum pauperum, peregrinorum vel omnium advenientium sive pro luminaribus altariorum vel redemtio miserorum et captivorum, ita ut ipsam domum sanctam vel habitantibus fratribus in eam de istas villas superius dictas habeant tolerationem, et nos proinde ante Deum eterna remunerationem, servata tamen ratione dum vitam ego aduixero habeam potestatem vel partem vobiscum in eas pro stipendium meum, et post obitum vero meum omnes iamdictas villas cum omnia bona sua integras illibatasque constituo post parte iamdicto monasterio, cum omnibus intrinsecis suis perpetualiter evo perhenni et secula cuncta. Oro et deprecor te sancte pater omnipotens Deus, et per intercessionem omnium sanctorum tuorum ut hunc holocaustum et munusculum meum ratum et placidum efficiatur in oculis tuis, ut illa die quando seculum veneris iudicare per ignem, non cum edis ad sinistris, sed cum agnis ad dextris mereamur stare stolis albis induta sub arbore crucis. Et si quis Domine hanc seriem testamenti infringere quesierit et eam vel inminime inmutilare presumpserit, quem ego pro peccatis meis et pro duce et viro meo iamdicto et supradicti genitorum et avorum meorum gratanter offero Deo meo, quisquis ille fuerit, propinqus vel extraneus, vel quislibet humano generi descendant super eum omnes maledictiones que scripte sunt in libro Moysi servi Dei excelsi, et cum Christi traditoris Iuda Scarioth pari pena multetur et non videat que bona sunt in Iherusalem nec pars in Israel / et post (...)1 damno ipsas villas duplatas vel triplatas restituat monasterio sancto atque supradicto, et hanc seriem testamentum stabilitam firmam et inrevocabiliter vel intemporaliter obtineat firmitatis roborem secula cuncta.

Facta carta et precaria testamenti paginolam, die videlicet XVIIIIº Kalendas Februarii, Era LXXVIIII post Milesima.

Ego Tuda quam fieri volui et Deo adiuvante complevi propter umationem corporis vir meus et anime mee remedium seu etiam et parentum vel avorum meorum, votum meum et olocaustum manus proprias confirmo huic iamdicto monasterio (signum).

Pro confirmans de monasterii Cellenove: Magister Astrulfus cfr.- frater Salvatus cfr.- Hordonio Nunniz cfr.- Feles presbiter cfr.- Rikila presbiter cfr.- magister Salvatus cfr.- Santius Ranemirix cfr.- Emilianus presbiter cfr.- frater Gunterigus cfr.- Pelagio Osoriz cfr.- Ennecus presbiter cfr.- Pelagius Didaz cfr.- Romano Didaz cfr.

(2ª columna:) Tuda Didaz cfr.- Tarasia Didaz cfr.- Geloira Nuniz cfr.- Argilo Guttierriz cfr.

Et qui presentes fuerunt: Atrianus ts.- Menindos ts.- Gundisalvo ts.- Martino ts.- Galamiro ts.- Martino ts.

Veremudus presbiter notuit cfr.

1 +- 15.