GMH/ÍNDICE A-Z

116
1154/01/17.

Os irmáns Cresconio e Paio Fernández dóanlle ó mosteiro de Toxos Outos as súas porcións nas vilas de Bornalle, Vilar e Esteiro e nas igrexas de Santiago de Tal,  S. Salvador de Torea e S. Xoán de Serres.

B.- Tombo, f. 52v.

Carta de Cresconio Fernandi et de fratre suo Pelagio Fernandi de ecclesiis de Bornalio, de Sancti Jacobo de Tali, de Sancto Saluatore de Torea,  de Sancto Iohanne de Serres, de Villar et de Soeuos.

Svb titulo Christi. Ego Cresconius Fernandiz facere decreui seriem testamenti de hereditate mea in monasterio Sanctorum Iusti et Pastoris in manus domini abbatis Pelagio et omnium fratrum ibidem manentium pro remedium anime mee et parentum meorum et pro temporali commodo aliquamtulum dum uixero ut habeatis eam perheniter mansuram per euo, amen. Est namque ipsa hereditas nominata porcionem meam de Bornali quantum ibi habeo de auolencia et de ganancia, et portionem meam de ecclesia de Sancto Jacobo de Tale, et de Sancto Saluatore de Torea de ecclesia portionem meam, et de Sancto Iohanne de Serres similiter portionem meam de ecclesia, et portionem meam de Villar et de Esteyro. Istas hereditates do et concedo pro remedium anime mee ut dixi aliquantulum pro temporali commodo. Simili modo et ego Pelagio Fernandez facio testamentum sicut et fratre meo super Christianitatis titulum et professionis sancte seruicium in presencia Dei et supradictum monasterium scilicet Sancti Iusti, et est omnia portionem meam de Bornali sic de auolencia sicut de ganancia, et portionem meam de ecclesia de Sancto Iacobo de Tale, et portionem meam de ecclesia de Sancto Saluatore de Toreia, et de ecclesia de Sancto Iohanne de Serres portionem meam, et portionem meam de Villar do et concedo ego iamdicto Pelagio istas hereditates in Sancti Iusti monasterium pro anime mee remedium et parentum meorum. Siquidem contra hec omnia quisquis uenire uel temptauerit uel ausus fuerit de parte uel nostra uel extranea sit maledictus de nostra et \de/ omni partis parte et feriatur anaitemate, id est excomunicatus fiat insuper et pro ausum temeritatis a parte uoce pulsantis solidos D componat.

Facta series testamenti sub era Ia Ca LXLa IIa et quotum XVIo kalendas februarii.

Ego Cresconius iamdictus in hac testamenti seriem manus meas roboro. Similiter et ego Pelagius in hac seriem manus propria roboro.

Qui presentes fuerunt: Petrus, ts. Pelagius, ts. Froyla, ts.

Martinus qui notuit, conf.