GMH/ÍNDICE A-Z

245
1165/07/29.

Munio Páez de Trasmonte dóalle ó mosteiro de Toxos Outos tódolos seus bens en Sta. María de Trasmonte e S. Tomé de Ames a cambio de vivi-lo que lle queda de vida no cenobio e ser mantido por este.

B.- Tombo, ff. 83v-84r.

Testamentum Munionis Pelagii de omnibus hereditatibus suis de Trasmonte et de Oyames.

In Dei nomine. Ego Munio Pelagii de Trasmonte facio testamentum omnium hereditatum mearum excepta illa de Inter Ambas Areas qua teneat frater meus Didacus Pelaiz in uita sua si mihi seruierit, et post mortem eius relinquat eam ad Sanctum Iustum. Nam ceterarum hereditatum mearum cum omnibus suis plantationibus et directuris intus et foris per suos terminos antiquos quas habeo in omni loco ex parte matre mea in territorio Trasmonte et Oliames, facio textum ad Sanctum Iustum in presencia domni abbatis Ruderici et ceterorum fratrum eiusdem monasterii pro remissione anime mee et parentum meorum tali pacto ut ex hodie sim frater huius monasterii tali condicione ut fideliter seruiam et uiuam dum uixero in ipso monasterio in ordine laicali, et uestiant me de uestimentis fratrum, et donent mihi libram meam quam ad modum uni fratri, et ad infirmitatem meam uel mortem dentur mihi uestimenta ordinis, si eam periero et orent pro anima mea cum obiero sicut pro uno fratre, et sepelliant me in ipso monasterio, et curent me in mea infirmitate. Quod si aliter fecero habeat tamen ipsum monasterium prefatas hereditates et faciat ex eis quod ei placuerit ex hodie et deinceps. //

Factum testamentum in era Ma Ia CCa IIIa et quotum IIIIo kalendas augusti.

Ego Munio in hoc testamentum manus meas.

Q. p. f.: Petrus, ts. Arias, ts. Froyla, ts. Petrus, presbiter, conf. Cresconius, presbiter, conf. Johannes, presbiter, conf.

Munio, prior, qui notuit.