GMH/ÍNDICE A-Z

66
1308, xullo, 11. Lugo

O bispo e o Cabido afóranlle ad vitam ao deán unha herdade e a metade de dúas leiras na parroquia de Santa María Madanela por tres marabedís anuais.

 MADRID, AHN, Cód. 1042 B, fol. 46v.

Noverint universi qui nos frater Johannes, miseracione divina lucensis episcopus, de consensu eiusdem capituli, damus et concedimus vobis, domno Arie Petri Pardo compostellanis ac lucensis ecclesiarum decano, laream seu hereditatem nostram quam habemus prope laream, qui dicitur de Iardin, in perrochia Sancte Marie Magdalene qui eam teneatis et possideatis et suis fructus percipiatis in tota vita vestra; quam hereditatem plantare debetis de vinea et vineam ibi plantaturam bene excolere et parare et ad obitum vestrum dicta hereditas et vinea ad nos et successores nostros libere revertantur. Item nos episcopus supradictus de consensu capituli praelibati damus vobis decano, superius nominato, medietatem duarum larearum, quas Fernandus Petri aurifex donavit operi seu fabrice nostre lucensis ecclesie, quarum larearum una vocatur de Iardim et alia larea ibi prope qui est in inter laream vestram, quam vobis donavit dictus Fernandus Petri aurifex, ex parte una, et laream Laurencii Petri de Cruce, ex altera in parrochia memorata; pro quibus lareis predicto operi seu fabrice debetis tres morabitinos currentis monete regis domni Fernandi vel ad valorem pro eis vos et successores vestri in istis lareis solvere annuatim. Et ut promissa non possint in dubium revocari rogamus Franciscum Lupi notarium infrascriptum ut de promissis publicum conficierit instrumentum.

Actum Luci in domibus dicti domini episcopi pulsata prius campana tu moris est ad ea capitulum celebrandum Vº idus iulii, era Mª CCCª XLVIª.

Presentibus: Martino Iohannis [...], Petro Didace canonicus lucensis et aliis de capitulo.

Ego Franciscus Lupi notarius publicus lucensis [...] scripsi et [...].

SIGNO