GMH/ÍNDICE A-Z

Referencias da busca neste documento para: Colección diplomática medieval do Arquivo da Catedral de Mondoñedo

B 6

1367, abril, 27. Aviñón.
O papa Urbano V (1362-1370), no ano 5º do seu pontificado, concédelle ó bispo de Mondoñedo don Francisco (1367-1393) a facultade de prover tódolos beneficios simples que estiveran vacantes no seu bispado e non excedesen o valor de 20 libras tornesas.
A, perg., que conserva restos do cordón do que pendeu o selo de chumbo, de 445 x 620 mm. Letra semigótica.
Ref.: flórez, vol. xviii, p. 180.

Urbanus episcopus seruus seruorum Dei venerabili fratri Francisco episcopo mindoniensi salutem et apostolicam benedictionem. Personam tuam Nobis et apostolice Sedi deuotam paterna beni/uolentia prosequentes illam tibi gratiam libenter impendimus per quam te possis aliis reddere gratiosum tuis itaque supplicationibus inclinati fraternitati tue conferendi / hac uice auctoritate nostra omnia beneficia ecclesiastica sine cura tuarum ciuitatis et diocesis mindoniensis apud Sedem apostolicam ad presens uacantia dummodo cuiuslibet beneficiorum ipsorum / fructus redditus et prouentus viginti librarum turonensium paruorum sedundum communem extimationem ualorem annuum non excedant singula uidelicet eorum cum omnibus iuribus et / pertinentiis suis singulis personis ydoneis quas ad hoc duxeris eligendas et de illis etiam prouidendi ac inducendi per te uel alium seu alios personas easdem uel procuratores suos / earum nomine in corporalem possessionem beneficiorum ac iurium et pertinentiarum predictorum et defendendi inductas amotis quibuslibet detentoribus ab eisdem ac faciens personas easdem / uel dictos procuratores earum in ecclesiis in quibus forsam beneficia huiusmodi consistunt ad illa ut est moris admitti eisque de ipsorum beneficiorum fructibus redditibus prouentibus iuribus et / obuentionibus uniuersis integre responderi contradictores auctoritate nostra apellatione postposita compesccendo non obstantibus quibuscumque statutis et consuetudinibus earumdem / ecclesiarum contrariis contrariis (sic) iuramento confirmatione apostolica uel quacumque firmitate alia roborantis aut si aliqui super prouisionibus sibi faciendis de huiusmodi uel aliis be/neficiis ecclesiasticis in illis partibus speciales uel generales dicte Sedis uel legatorum eius litteras impetrarit etiam si per eas ad inhibitionem reseruationem et decretum uel / alias quomodolibet sit processum quibus omnibus dictas personas in assecutione beneficiorum huiusmodi uolumus anteferri sed nullum per hoc eis quo ad assecutionem aliorum / beneficiorum preiudicium generari aut si successoribus tuis episcopis mindoniensibus et dilectis filiis capitulis earumdem ecclesiarum uel quibusuis aliis communiter uel diuisim a dicta Sede in/dultum existat quod ad receptionem uel prouisionem alicuius minime teneantur et ad id compelli aut quod interdici suspendi uel excommunicari non possint quodque de huiusmodi uel aliis be/neficiis ecclesiasticis ad eorum collationem prouisionem presentationem seu quamuis aliam dispositionen coniunctim uel separatim spectantibus nulli ualeat prouideri per litteras apostolicas / non facientes plenam et expressam ac de uerbo ad uerbum de indulto huiusmodi mentionem et qualibet alia dicte Sedis indulgentia generali uel speciali cuiuscumque tenoris existat / per quam presentibus non expressam uel totaliter non insertam effectus earum impediri ualeat quomodolibet uel differri et de qua cuiusque toto tenore habenda sit in nostris litteris mentio / specialis aut si dicte persone presentes non fuerint ad prestandum de obseruandis statutis et consuetudinibus ipsarum ecclesiarum solita iuramenta dummodo in absentia sua per procu/ratores ydoneos et cum ad cum ad ecclesias ipsas accesserint corporaliter illa prestent plenam et liberam conceddimus auctoritte apostolica tenore presentium facultatem et insuper / prout est irritum decernimus et inane si secus super hiis a quoquam quauis auctoritate scienter uel ignoranter attemptatum forsam est hactenus uel contigerit / in posterum attemptari. Datum Auinioni v kalendas maii pontificatus nostri anno quinto. S. Folcrandi.

(Anverso):
Potestas dandi beneficia. Cartas do prestamo de Villamor que pertenesçe aos moços de coro.