GMH/ÍNDICE A-Z

Referencias da busca neste documento para: Os documentos do Tombo de Toxos Outos

538
1193/01/11.

Mandas testamentarias de Pedro Martínez “Fariña”.

B.- Tombo, f. 147v.

Testamentum Petri Martini dicti Farine de hereditate de Vesares et de Geluir.

Era Ma CCa XXXa Ia et quotum IIIo idus januarii. Hec est ultima ordinacio quam facio ego Petrus Martini dictus Farina, et cetera. In primis mando corpus meum ad Sanctum Justum, vnde acepi ordinem, et mando ibi mecum totam meam hereditatem de ambos Vesares tam de auolencia quam de ganancia cum omni sua populacione et cum omnibus suis directuris que ad ipsas hereditates pertinent intus et foris, et cetera. Similiter mando ibi meam casam grandem integram de Geluir cum suo currale et cum suo pumare, et cetera. Similiter mando ibi totam meam hereditatem de Geluir foras inde quartam ipsius hereditatis cum casa de Trascarreyra quam mea mando duobus filiis meis, et sint semper ipsi filii mei obedientes et seruientes ad ipsum monasterium, quod si aliter fecerint perdant ipsam hereditatem; et si aliquis eorum sine semine mortuus fuerit semper remaneat hereditas ad monasterium; et non habeant ipsi filii mei potestatem uendendi nec dandi nec suppignorandi ipsam hereditatem nisi ad monasterium. Ad magistrum meum Fernandum Petri mando quinionem meum de Barrio, et ipse non inquietet fratres super hereditates uel habere quod mandaui ad ipsum monasterium; quod si ipse aliter fecerit, fratres uadant pro quinione meo de Barro et defendant se, et cetera.

Siquis aliquis de mea parte uel de extranea contra hanc meam ordinacionem uenerit sit maledictus et ad mea uoce pulsanti pariat solidos D; ista tamen mea ordinatione in suo robore permanente.

Q. p. f.: Petrus, ts. Johannes, ts. Pelagius, ts. Pelagius Didaci, conf. Pelagius Mancipum, conf. Johannes Ruderici, conf. Martinus Arias, conf. Ego Fernandus, presbiter, conf.

Munio qui notuit.