1311, setembro, 26. Lugo
Disposicións do Cabido sobre a axeitada repartición de beneficios nas persoas máis idóneas.
In
nomine Domini amen. Cum multitudo beneficiorum [...] certum continet
periculum animarum ideo [...] ad nos fratrem Iohanem divina
miseracione, lucensis episcopus, [...] constitucione facta sit in
eclesia compostellanis et in aliis vicinis et eclesii eadem
constitucione inviolabiliter observetur. Videlicet ut […] canonicus
vel socius ecclesie habens vel obtinens prestimonia in ipsa ecclesia,
si dignitatem postmodum in eadem ecclesia vel alia fuerit assecutus
quod omnia prestimonia que antea obtinebat ipso facto vacent. Et quod
episcopus possit ex tunc ad ipsorum prestimoniorum libere collacionem
possit procedere. Nos, episcopus supradictus, volentes constituciones
laudabiles aliarum ecclesiarum ad nostram lucensis ecclesiam
extendere et eas servare proposse et facere observari, de conssensu
capituli nostri per pulsacionem campane more solito congregati,
statuimus ut cum aliquis ex personis, canonicis seu porcionariis
lucensis ecclesie dignitatem vel personatum in dicta lucensis
ecclesia seu in alia ecclesia fuerit assecutus et eiusdem dignitatis
vel personatus possesionem pacificam obtinuerit, vel per eum steterit
quo minus obtineat. Si ista persona canonicus vel porcionarius
ecclesie lucensis qui postmodum adeptus fuerit dignitatem prestimonia
in nostra lucensis ecclesia obtinebat prestimonia, eadem omnia ipso
facto vacent; et quod episcopus ad quem dictorum prestimoniorum
collacio pertinet ex tunc procedere valeat ad collacionem ipsorum
prestimoniorum eidem qui dignitatem adeptus fuerit vel aliis personis
ydoneis sicut sibi videbitur secundum constituciones ecclesie
faciendam.
Actum
est hoc in domibus prefati domini episcopi. Presentibus: ipso donno
episcopo et aliis de capitulo. In era Mª CCCª XLª IXª et quotum
VIº kalendas october.(+).
Et
ego Alffonsus Petri, publicus notarius lucensis, promissis omnibus
interfui et presentem constitucionem de mandato prefati domini
episcopi et capituli scripsi et in ea signum meum apposui in
testimonium veritatis.