GMH/ÍNDICE A-Z

B 21

1449, agosto, 23. Fabriano, Dioc. Camerinense.
Bula do papa Nicolás V (1447-1455) a favor do bispo de Mondoñedo, don Alonso de Segura (1449-1454), contra os que retiñan bens pertencentes á igrexa de Mondoñedo. A execución encoméndase ó bispo de Camerino, ó de Lugo e ó abade do mosteiro de Monfero.
A, perg., que conserva restos do cordón do selo pendente, de 405 x 560 mm. Letra redonda.

Nicolaus episcopus seruus seruorum Dei venerabilibus fratribus camerinensi et lucensi episcopis ac dilecto filio abbati monasterii de Monfero compostellane diocesis salutem et apostolicam benedictionem. / Circunspectam venerabilis fratris nostri Alfonsi episcopi mindoniensis prudentiam nobis et apostolice Sedis deuotam et in magnis et arduis sancte romane ecclesie negociis comprobatam paterna beneuolentia prosequentes ad ea libenter / intendimus per que bonorum sue mindoniensis ecclesie usurpatorum et ad justitiam suam consequendam fore conspicimus oportuna. Cum itaque nuper ecclesia mindoniensis cuius regimini bone memorie Petrus episcopus mindoniensis / dum uiueret presidebat per eiusdem episcopi obitum pastoris solatio destitute de persona dicti Alfonsi episcopi mindoniensis duxerimus prouidendum preficiendo eum dicte ecclesie in episcopum et pastorem prout in nostris inde confectis / litteris plenius continetur et sicut accepimus nunnulle persone iura et iurisdictiones necnon fructus census redditus et prouentus dicte ecclesie et nonulla alia bona mobilia et immobilia ad Alfonsum episcopum et ecclesiam predictos / spectantia occuparunt et ea detineant indebite occupata seu ea detinentibus prestant auxilium consilium uel fauorem Nos indemnitati prefati Alfonsi episcopi prouidere sibique aduersus occupatores detentores presumpto/res molestatores et iniuriatores huiusmodi de oportuno remedio subuenire per quod ipsorum temeritas compescatur et aliis aditus commitendi similia precludatur discretioni uestre per apostolica scripta mandamus quatinus / uos uel duo aut vnus uestrum per uos uel alium seu alios eosdem occupatores detentores presumptores molestatores et iniuratores et eorum complices aliasque omnes et singulas personas cuiuscunque status gradus ordinis / conditionis preeminentieque fuerint etiam si pontificali uel quauis alia prefulgeant dignitate qui in premissis quomodolibet culpabiles extiterunt aut illis causam dederit uel occasionem sub excommunicationis / suspensionis necnon priuationis regiminis et administrationis omnium et singulorum ecclesiarum monasteriorum aliorumque locorum dignitatum personatuum et beneficiorum ecclesiasticorum quoruncunque quecunque et qualiacunque ac cuiuscunque etiam ordinis fuerint que in quibusuis etiam metropolitanis cathedralibus uel collegiatis ecclesiis aliisque locis ecclesiasticis secularibus regularibus ordinum quoruncunque obtinent et inhabilitationis / ad illa et quecunque alia im posterum obtinenda ac interdicti in prefatam et quasuis alias ecclesias atque loca aliisque sententiis et penis formidalibus de quibus uobis uidebitur quas contrafacientes incurrere uolumus / ipso facto strictius moneatis et requiratis quatinus infra certum peremptorium terminum ad eis prefigendum occupatores detentores presumptores molestatores et iniuriatores huiusmodi ab occupatione et / detentione bonorum mindoniensis ecclesie predictorum penitus desistant necnon bona huiusmodi per eos ut premittitur occupata et detenta ipsi Alfonso episcopo libere et expite dimittant alioquin infra alium compe/tentem terminum eis asignandum coram uobis seu aliquo uestrum compareant ad uidendum se penas et sententias predictas incurrisse declarari ac aliis monasteriis quorum regiminibus forsan prefuerint / dignitatibus personatibus adminstrationibus officiis et aliis beneficiis huiusmodi priuari illisque priuatos atque amotos ab eisdem ac ad illa et queuis alia im posterum habenda gerenda exercenda et obtinenda / inhabiles et indignos pronuntiari quod si forsan occupatores detentores presumptores molestatores iniuriatores eorunque complices et alii supradicti aut alii quicunque presentium uigore monendi et requirendi / post facta eis monitionem et requisitionem huiusmodi seu notitiam presentium et infra terminos predictos monitionibus et requisitionibus ac nostris in hac parte mandatis efficaciter parere contempserint / et si sententias et penas huiusmodi animmo quod absit sustinuerint indurato non curantes reddire ad ecclesie unittem aut alias id ipsorum malitia uel pertinatia exegerit legitimis super hiis habendis / seruatis processibus eos quotiens expedierit auctoratate nostra aggrauare et tanquam de heresi suspectos nunciare curetis inuocato etiam ad hoc si opus fuerit auxilio brachii secularis necnon etiam / omnes et singulos occupatores detentores presumptores molestatores et iniuriatores huiusmodi et quoslibet alios in premissis quomodolibet culpabiles atque rebelles personas ecclesiasticas ut prefertur / et qui eos uel aliquem ipsorum post requisitionem monitionem et mandata huiusmodi scienter receptauerint aut alias eis in premissis auxilium consilium dederint uel fauorem easdem sententias et / penas incurrisse declaretis et ubi quando et quotiens expedierit incidisse nuncietis et ab omnibus arctius euitari faciatis donec a premissis destiterint ac monitionibus requisitionibus et manda/tis huiusmodi cum effectu paruerint necnon a sententiis et penis huiusmodi meruerint absolutionis beneficium obtinere contradictores quoslibet et rebelles per censuram ecclesiasticam ac alia iuris reme/dia appellatione postposita compescendo non obstantibus constitutionibus et ordinationibus et ordinationibus apostolicis ceterisque contrariis quibuscunque aut si occupatoribus detentoribus presumptoribus molesta/toribus et iniuriatoribus eorumque complicibus et aliis supradictis uel quibusuis ex eis ab eadem sit sede indultum quod ipsi ad iudicium(?) etiam ultra uel extra certa loca trahi aut suspendi uel excomunicari / ad que dicti occupatores detentores presumptores molestatores et iniuriatores culpabiles et rebelles ut prefertur forsan declinauerint et alia queuis loca interdici non possint per litteras apostolicas non facientes / plenam et expressam ac de uerbo ad uerbum de indulto huiusmodi et eorum personis locis ordinibus ac nominibus propriis mentionem et qubuslibet aliis preuilegiis exemptionibus et indulgentiis dicte / Sedis generalibus uel specialibus quoruncunque tenorum existant per que presentibus non expressa uel totaliter non inserta presentibus obuiari aut eorum effectus quomodolibet impediri ualeat que quo / ad hoc ipsis nolumus aliquatenus suffragari etiam si de illis eorumque totis tenoribus de uerbo ad uerbum in nostris litteris habenda esset mentio specialis. Datum Fabriani camerinensis diocesis / anno Incarnationis dominice millesimo quadringentesimo quadragesimo nono decimo kalendas septembris pontificatus nostri anno tertio.
Gratis de mandato domni nostri pape. Johan de Rizonibus.
(Reverso):
Registrata in camera apotolica. Monitorium in maiori forma contra occupantes bona ecclesie mindoniensis. Nº vii. Bulla super spoliis ecclesie mindoniensis. M. vii. nº. 7. Suam nobis petitionem episcopus mindoniensis super spoliis.